Mikkirefur

2006-10-24T17:49:00.000-07:00

Sælt veri fólkið.

Loksins loksins er ég kominn í samband við umheiminn. Þannig er nefnilega mál með vexti að það tölvan mín varð víst eitthvað lasin skildist mér. Refurinn kallaði því út rauðhærða tölvulækninn hann Huginn en hann er betur þekkur sem Huginn í greiningar og fjárfestingarfélaginu Huginn Group inc. Já það er gott að eiga góða að. Hann vildi meina að tölvan væri með alvarlega vírussíkingu í heilanum. En betur fór en á horfðist og vegna fyrirbæna minna og hjúkrunarhæfileika þá náði þessi elska heilsu aftur eftir að hafa verið óstarfhæf í hálfan mánuð.

Lífið hefur gengið hin vanagang hér og allt bara við hið sama. Eitt hefur þó breyst og það er smekkur minn á sjónvarpsefni. Ég hef þungar áhyggjur af því hversu abnormal hegðun ég er farinn að sýna. Ég er farinn að horfa spenntur á Melrose Place og Beverly Hills 90210. Já Það sem ég taldi sorp og lámenningu sjónvarpsins á hug minn allan þessa dagana. Ég er hins vegar búinn að sjá í gegnum hin ,,geðþekka" geðlækni Dr Phil. Þannig er mál með vexti að ég var að horfa á þátt um daginn og þar fékk hann konuna sína(Robin) til þess að taka eina þreytta húsmóður í einskonar Extraem makeover. Þegar Dr Phil fór svo að spyrja konuna sína út úr tók ég eftir því að hann leyfði henni ekki að klára eina einustu setningu heldur greip alltaf fram í fyrir henni. Maðurinn sem er alltaf að tala um að fólk eigi að fá að tala út og hinn aðilinn að hlusta, en abbabab ekki meistari Dr Phil. Hann er nefnilega yfir þessar reglur hafinn. Ég tók líka eftir því að konan hans var vel sminkuð væntanlega til þess að fela glóðuraugun og marið á kinninni eftir allt heimilisofbeldið. Þetta er bara kenning, ég er ekki að fullyrða neitt en samt finnst mér þetta ansi líklegt. Ég kvet ykkur til þess að kíkja á hann næst í sjónvarpinu og líta eftir geðveikisglampanum í augunum á hinum geðþekka geðlækni sem kaninn elskar ! Er maðurinn ekki líklegur til þess að vera einn af þeim helsjúku einstaklingum sem klæðast fullorðinsbleyju og míga og skíta á sig ? Ja ég spyr ykkur.

Eins og þið vitið flest eru prófkjör í öllum flokkum að bresta á og maður veit ekki hvern á að kjósa slíkt einvala lið er í framboði í öllum flokkum. Ég eins og margir hef búið mér til einskonar draumaríkisstjórn og vill deila henni með ykkur hinum. Ég hef legið yfir þessu lengi en held að þetta sé besta útkoman.

Forsætisráðherra: Hér kemur aðeins einn maður til greina Jakob Fríman Magnússon - það þarf ekki rökstuðningar við. Ef leyfilegt væri að haf sama manninn forseta og forsætisráðherra þá væri þetta maðurinn.

Utanríkisráðherra: Guðni Ágústsson - Ég veit ekki afhverju en hann virkar bara eitthvað svo góður í ensku.

Félagsmálaráðherra: Að sjálfsögðu Pétur Blöndal. Sennilega er ekki til sá maður sem getur sett sig betur í stöðu öryrka og annara sem minna mega sín.

Fjármálaráðherra : Að sjálfsögðu hinn geðþekki fyrrverandi þingmaður Frjálslynda og núverandi þingmaður Sjálfstæðisflokksins Gunnar Örlygsson. Hef hef áreyðanlegar heimildir fyrir því að hann sé góður í bókhaldi og strangheiðarlegur.

Heilbrigðisráðherra : Yrði Guðjón Arnar Kristjánsson formaður Frjálslyndra enda gott dæmi um hvað holt mataræði og hreyfing getur gert fyrir mannslíkamann!

Iðnaðarráðherra : Hér er engin spurning. Kolbrún Halldórsdóttir hjá Vinstri Grænum enda ávalt opin fyrir góðum hugmyndum. Ætli hún gæfi mér atvinnuleyfi sem nektardansara ?

Landbúnaðarráðherra: Sólveig Pétursdóttir Sjálfstæðisflokki yrði kjörin þarna. Þar er augsýnilega kona á ferð sem hefur mokað flórinn og mjólkað oftar en einu sinni og oftar en tvisvar.

Menntamálaráðherra: Yrði Bjarni Gaukur Þórmundsson íþróttakennari í Kópavogi. Fáir þekkja hann en treystið mér.(googlið honum bara upp) Þar er snillingur á ferð.

Smgönguráðherra: Yrði Sigurður Kári Kristjánsson. Hann þekki vegina svo vel að hann gæti keyrt þá blind(fullur)andi

Umhverfisráðherra: Yrði Valgerður Sverrisdóttir enda vandfundin sú manneskja sem ber eins auðmjúkan hag náttúrunnar fyrir brjósti.

Sjávarútvegsráðherra: Er ekki í framboði en er fæddur í þetta. Ingvi Hrafn Jónsson útvarpsmaður. Maður sem hefur lifað á bökkum Langár og hefur veit hvað klukkan slær. Hann gæti einnig verið helsti ráðgjafi hinna ráðherrana enda vart til það mál sem hann hefur ekki vit á.

Dómsmálaráðuneyti: Bara einn maður ! Árni Johnsen, frægur í formi. Hann þekkir þennan málaflokk út og inn segja mér kunnugir.

Svona lítur stjörnuliðið mitt út !

Jæja nú er refurinn enn einu sinni að leggja land undir fót og er heldur til London á fimmtudag á vegum KSÍ til þess að kíkja á hvað haldiði ? Jú fótbolta. En það verður að sjálfsögðu ekki það eina sem ég mun gera þarna.

Refurinn er mun segja frá ferðasögu sinni þegar heim er komið.

Þangað til vill ég senda Golla nágranna mínum bestu kveðjur og vona að þessi ónot í ristlinum fari að lagast og vindgangurinn lagist. Ég vona að það komi eitthvað út úr þessum speglunum hjá þér. Baráttu kveðjur !

Þangað til næst ,, Byrjaðu daginn með brosi"

Sæl að sinni
Mikki refur

2006-09-27T09:43:00.000-07:00

Mikki refur er mættur til leiks

Sælt veri fólkið. Mikki refur er mættur galvaskur til leiks á ný eftir að hafa tekið sér leyfi frá hinum almennu ritstörfum. Það er mat refsins að sérhver listamaður hvort sem um er að ræða listmálara, keramiklistamann eða rithöfund þá þurfi viðkomandi á kvíld að halda stökum sinnum frá list sinni til þess að viðhalda ferskleikanum í listsköpun sinni. Með þetta leiðarljósi þá ákvað ég að kvíla mig aðeins á ritstörfunum og taka mér smá pásu og reyna að koma ferskur inn.
Það hefur margt á daga refsins drifið síðan hann sló loppunum á lyklaborðið síðast.
Það myndi æra óstöðugan að fara að þylja upp allt sem gerst hefur í lífi refsins undanfarna tvo mánuði.
Refurinn lagði lanf undir fót og skellti sér til Króatíu með smá viðkomu á Ítalíu. Þetta var allveg þrælskemmtileg ferð sól og blíða og ekki skemmdi fyrir að ég fór til Ítalíu daginn eftir að þeir urðu heimsmeistarar. Stemningin var allveg geggjuð þarna. Það voru komin heil 18 ár síðan ég hafði verið í Feneyjum síðast en það var allveg ótrúlega gaman að koma þarna aftur og allveg ótrúlega fallegt. Það kom mér reyndar mikið á óvart að hversu vel ég rataði þarna svona mörgum árum seinna.
Nú er stefnan sett á að fara til London í lok oktober í ferð á vegum KSÍ voðalega gaman.
Svo verður maður víst eitthvað að kíkja á hvar maður eigi að halda sig næstu árin í námi. Þess vegna verður maður að reyna að taka einhverskona roadtrip til þess að skoða þá staði og skóla sem koma til greina - voða spennandi.

Um verslunarmannahelgina varð refurinn fyrir allveg einstakri lífsreynslu. Já rebbi fór til Eyja. Ég ákvað þetta með 15 mínútna fyrirvara og skellti mér með Golla gullrassi og Jóa djammdýri til Þorlákshafnar og tókum Herjólf yfir. Ég hélt að ég yrði ekki eldri og lofaði sjálfum mér því að fara ALDREI með þessum skítadalli aftur. Ég var alvarlega að íhuga að henda mér fyrir borð og klára þetta svo illa fór sjóferðin í mallann á refnum. En heljarförin tók enda og við tók þvílík skemmtun. Ég mun ALDREI og ég fullyrði ALDREI fara neitt annað en til Eyja meðan ég er barnlaus ! Ég labbaði milli hvítu tjaldanna og mynglaði við heimamenn sem tóku mér opnum örmum með samlokum, lunda og ,,djús" til þess að skola herlegheitunum niður. Á meðan voru Gullrassinn og Djammdýrið að ,,skoða" tjöldin hjá saklausum þjóðhátíðargestum. Það er best að fara ekki nánar út í þá sálma en ég er ekki frá því að Gullrassinn hafi þjáðst af ótímabærum þvagleka vagna hláturskrampa svo vel skemmti hann sér á tjaldstæðinu með Djammdýrinu !
Á sunnudag kom svo rauðhærði þrællinn til Eyja og gerði gríðarlega góða hluti enda gengur hann undir nafninu Huginn 100% þessa dagana !!!

Úr Urriðanum er allt gott að frétta. Guttormur Flóki er farinn að eldast og orðinn með virðulegustu hundum hverfisins þó ég segi sjálfur frá. Kötturinn Tómas er hins vegar við sama heygarðshornið. Mýsnum og fuglunum sem hann hefur tekið hingað inn til þess að leika hefur jú heldur fækkað en þá kemur bara eitthvað annað í staðin.
Þessi blessaði köttur er allveg ótrúlegur. Ég er ansi hræddur um að forvitnin muni einhvern tíma verða honum að falli. Ég er allur marinn og aumur eftir nóttina. Hljómar ekki vel en á sínar eðlilegu skýringar. Þannig var mál með vexti að ég kom heim með seinni skipunum í gær. Þegar ég er að labba inn um útidyrahurðina heima. Þá heyri ég mjálm að ofan. Sé ég ekki köttinn Tómas fyrir ofan mig uppi á þaki og ber sig aumlega. Hann hafði í forvitni sinni farið út um glugga og út á þak. Það var því ekki annað að gera en að príla upp á þak og ná í son sinn. Þegar ég var kominn upp á þakið hljóp kötturinn undir rennu og hjúfraði sig þar og vildi ómögulega koma undan. Ég lagðist því á magann og bakið í tilraunum mínum við að ná honum blessuðum þarna undan og var búinn að velta mér fram og aftur. Eftir um hálftíma hugnaðist herra Tómasi að koma undan rennunni og heilsa upp á föður sinn. Ég tók hann upp og setti hann aftur inn um gluggann. Þegar ég vaknaði í morgun var ég svo með bárujárnmunstur um allan líkamann. Erfitt að útskýra það svo að illa hljómi ekki !!!

Ég held að þetta sé ágætis skamtur í bili bæði fyrir mig og ykkur. En allavegana- Refurinn er mættur aftur !!

Speki dagsins ,, Taktu einn dag fyrir í einu"

Þangað til næst - later

kv
Mikki refur

2006-07-04T18:35:00.000-07:00

Mikki refur er stunginn af erlendis.

Fyrirvarin var enginn og því vita þetta fáir.

Læt heyra í mér síðar.

Speki refsins ,,Lifðu í núinu og gríptu tækifærin meðan þau gefast"

Þangað til næst : ,, Frelsið er yndislegt ég geri það sem ég vil"

Kveðja
Mikki refur

2006-06-25T07:13:00.000-07:00

Mikki refur léttreyktur

Sælt veri fólkið. Það er ekki annað hægt að seiga en að dagarnir síðan ég skrifaði hérna síðast hafa verið viðburðaríkir í lífi refsins. Það hefur ýmislegt miður skemmtilegt gerst síðustu daga. Þetta hefur þó ekki verið alslæmur tími. Ég er til dæmis búinn að vera að reyna að selja kærasta Líneyjar systur, honum Armin landið okkar. Ég held að það hafi bara tekist með miklum ágætum. Hann var allavega farinn að spyrja mig um hvar hægt væri að fá land undir hús !!
Ég fór einnig með rauðhærða þrælnum mínum, Golla gullrassi, Líneyju og Armin í Þórsmörk og upp að Langjökli um síðustu helgi. Við fengum geggjað veður í Mörkinni og fórum í fjallgöngu. Ég sýndi algjöra snilldartakta í göngunni og var það mál manna að þar færi vanur maður. Refir eru nefnilega gríðarlega klókir að stikla milli steina og stökkva yfir ár. Ég og Gullrassinn fórum fyrir hópnum á meðan sá rauði rak lestina volandi og bað okkur um að fara ekki svona hratt yfir.
Ferðin var allavegana mjög skemmtileg og tókst í alla staði vel. Nú er Armin og Líney farin af landi brott og fengu það verkefni að finna fjallakofa í Whistler í vetur þannig að ég geti mætt með liðið á skíði !!!

Jæja eins og ég hef áður sagt þá hef ég verið að vinna eins og vitleysingur til þess að getað farið út í sumar og fengið þokkalegt frí. Ég fór því á aukavakt á föstudag fyrir viku ásamt manni af minni vakt. Ég var bara í mestu makindum að dunda mér eitthvað þarna þegar ég sé vinnufélaga minn koma stökkvandi á öðrum fæti og fara inn í búningsklefa. Ég var svo beðinn um að koma inn og kíkja á hann. Þegar ég opnaði hurðina fann ég þvílíka brunalykt og áttaði mig því strax á hvað hafði gerst. Hann hafði stigið ofaní fljótandi ál og brenndist illa á ilinni og hælnum og á ekki eftir að getað stigið í fótinn í einn og hálfan mánuð ! Hann var búinn að skipuleggja ferð út með fjölskyldunni en það verður auðvitað ekkert úr því ! Virkilega ánægjulegt að eyða sumrinu í þetta !!

Þá er sögunni komið að mér. Eins og flest af ykkur vita varð alvarleg bilun í Straumsvík í síðustu viku sem varð til þess að einn kerskálinn datt út og mun ekki verða nothæfur næstu mánuði. Út af þessu varð auðvitað geðveikt stress og allt vitlaust að gera. Ég mætti á fyrstu næturvaktina mína á aðfararnótt þriðjudagsins og vann eins og mófó um nóttina. Ég held að það hafi aldrei verið eins mikið að gera hjá mér þarna (ekki það að vinnuálagið hafi verið að drepa mann þarna síðustu ár), jæja hvað um það klukkan hálf átta korteri áður en ég átti að fara í sturtu heltist niður c.a. 4 tonn af áli á gólfið beint fyrir framn nefið á mér og upp blossaði þvílík reykjarbræla. Ég stóð þarna í gufu og reykbaði og var bara góðum fíling. Nokkrum mínútum seinna var ég á gangi og varð eins og ég hafði verið sleginn með kylfu í hnakkann. Mig svimaði þvílíkt og fór að kasta upp eins og múkki. Ég vildi bara fara heim að sofa en fékk engu um það ráðið og var fluttur upp á slysó þar sem ég eyddi um 5 tímum í súrefni og rannsóknum. Kristín the Icelandair princess mætti svo og sat yfir vini sínum. Hún reyndar nýtti bara tækifærið og tók myndir af mér og gerði grín af mér þar sem ég lá í sjúkrarúminu eins og aumingi - Já það er gott að eiga góða vini !!. Ég var svo sendur heim beðinn um að koma aftur ef að ég yrði eitthvað skrítinn. Ég var bara sæmilegur þangað til á seinnipart fimmtudagsins. Þá fór refurinn fyrst að verða skrítinn. Ég hef sjaldan verið talinn eðlilegur en boy o boy ! Nú held ég að ég viti hvernig það er að vera í vímu. Ég var og er búinn að vera vægst sagt í ruglinu. Ég fór því aftur upp á slysó og var settur í rannsóknir og gleði.
Það kom elskulegur eldri maður í hvítum slopp og bauð mér að gista þarna hjá þeim yfir nóttina en ég afþakkaði pent og sagði að Urriðinn væri fullur af fólki. Seinna um kvöldið fékk ég þær gleðifréttir að eitrunin væri komin í miðtaugakerfið og heffði því áhrif á líkamshitann og jafnvægisskynið. Þeir ,,héldu" að þetta myndi ,,kanski" jafna sig yfir helgina - MJÖG sannfærandi !! ,,En ef að þú verður ,,skrítinn" áfram þá skaltu ekki hika við að koma hingað aftur. En eins og ég segi þá geri ég svona frekar ráð fyrir að það verst gangi yfir yfir helgina" - Þetta þýðir á læknamáli - Viðhöfum ekki hugmynd um hvað er í gangi !
Á meðan sit ég hér í Urriðanum og fæ með jöfnu millibili hita og svita köst - semsagt æðislegt.
En þetta er þó ekki alslæmt. Ég fæ núna að vera í nánu sambandi við Halldór öryggisfulltrúa í álverinu en eins og sum ykkar vita þá er hann eins konar IDOL hjá mér ;)

Jæja nóg um hrakfalla og sjúkrasögur refsins. Á morgun mánudag verður afmæli. Hún Dagbjört Dögg frænka mín verður 7 ára - ótrúlegt hvað tíminn flýgur áfram. Ætli maður druslist ekki niðrí Kringlu á morgun og kaupi eitthvað fyrir þær systur. Spurning hvort ég finn eitthvað af viti ég er nefnilega ómögulegur í að finna svona afmælis gjafir. Ég geri samt sem áður þá sjálfsögðu kröfu að fá köku !

Jæja nenni ekki að skrifa meira í bili. Þetta er ábyggilega allt morandi í stafsetningar og málfræðivillum enda er ég ekki allveg upp á mitt besta !

Speki dagsins ,, Vendu þig á að taka hverjum degi með bros á vör og þá verður allt auðveldara"

Þangað til næst Veriði hress -ekkert stress - alltílagi bless

Kveðja
Mikki refur

2006-06-15T18:48:00.000-07:00

Jú víst er ég lifandi !!!

Jæja þá er kominn tími til þess að láta vita af sér. Þetta verður samt í styttra lagi núna hjá mér. Ég er semsagt ekki dauður ennþá heldur er búið að vera allt á fullu hjá mér að undanförnu. Ég er búinn að vera að vinna eins og Mófó til þess að ég komist í fríið mitt. Ég er að verða búinn að vinna af mér c.a. hálfs mánaðar sumarfrí þannig að þetta er allt að hafast hjá mér ;)

Ég vill byrja á að benda lesendum á að hann sonur minn Tómas er ekki á leiðinni neitt !!! Hann er ekki nógu gamall til þess að flytja að heiman og ekki fer ég að senda hann á vandræðaheimili fyrir brjálaða unglinga. Ef að kötturinn minn hverfur mun Jónas í næsta húsi eiga mig á fæti !
Eins vill ég hafna því algjörlega Krummi góður að hann Guttormur minn hafi verið eitthvað ókurteis. Hann var einfaldlega að bjóðast til þess að draga þig að landi ef þú værir orðin södd.

Héðan úr Urriðanum er allt gott annars að frétta. Hingað er kominn góður gestur, hann Armin kærastinn hennar Líneyjar systur. Hann verður hér næstu vikuna og er þétt dagsskrá fyrir hann. Aldrei að vita nema maður taki hann á smá skrall um helgina ;)

Heyriði !! Undur og stórmerki gerðust. Ég lét verða af því að skella mér í þrekprófið hjá KSÍ í síðustu viku og er skemmst frá því að segja að ég rúllaði því upp - eins og mín var von og vísa. Ég fékk reyndar Jolla og Odda frænda til þess að hlaupa með mér þar sem að það er alltaf að betra að hafa einhvern með sér í þessar píningar !!

Ég vill taka fram að ég tapaði EKKI í fótbolta fyrir stelpu um daginn. Það er einfaldlega helber lýgi !! Ég hef ALDREI tapað fyrir stelpu í fótbolta og hef ekki hugsað mér að taka upp á því núna!!!

Nú er veislan hafin. Já þið vitið hvað ég á við - HM er byrjað. Hvað er betra en að slappa af yfir góðum leik ? Við erum að tala um þrjá leiki á dag USSSSSS !!!!!!!!! Þetta er þvílík snilld enda búið að skipuleggja fullt af ,,matarboðum" á meðan á keppninni stendur ;)

Eins og ég sagði áðan er ég að verða búinn að vinna mér inn c.a. hálfs mánaðar frí í vinnunni og ætla að bæta við það þannig að ferðaplanið í sumar virðist ætla að ganga upp - hybbí ;)

Nú styttist í næsta leik hjá Pungmennafélaginu þannig að ef að þið ætlið að koma að horfa á þá er um að gera að hafa samband og fá mig til þess að setja ykkur á gestalista, síðast komust færri að en vildu til þess að bera knattspyrnugoðin augum !!!!

Jæja þetta er orðið ágætt í bili þó að þetta hafi verið hálf þunnur þrettándi í þetta skiptið.

Speki dagsins ,, Temdu þér að vera heiðarleg(ur) gagnvart sjálfum þér og öðrum því með því móti verðuru sáttari við sjálfan þig"

Þangað til næst : Sumarið er tíminn þegar ......... ;)

kveðja
Mikki refur

2006-06-02T05:48:00.000-07:00

Hrakfallabálkurinn Mikki refur

Sælt veri fólkið.
Þá er júní bara runninn upp og alltaf er maður jafn hissa á því hversu tíminn líður fljótt.
Úr Urriðanum er í sjálfu sér lítið að frétta. Mamma gamla fór í gær til Barcelona með vinnunni og verður í 5 daga. Á meðan sjáum við hin um rekstur heimilisins !

Ekki hefur margt merkilegt drifið á daga refsins síðan hann settist síðast niður við skriftir en þó sitthvað.
Eins og ég sagði frá hérna síðast þá töpuðum við félagarnir í Pungmennafélaginu fyrsta leiknum okkar ansi illa. Við unnum næsta leik 3-2 af gríðarlega miklu öryggi. Síðasta sunnudag spiluðum við svo þriðja leikinn okkar. Ástandið á mannskapnum var vægast sagt MJÖG slæmt. Fyrir það fyrsta mættum við bara 13 í leikinn, hinir melduðu sig inn þunna og treystu sér ekki til þess að spila (ekki það að við hinir höfum verið mjög ferskir eftir kosningadjammið deginum áður)
Ég held að ég verði að viðurkenna það að ástandið á refnum hafi ekki verið mjög gott. Þetta er án efa einn versti leikur sem ég hef spilað á minni lífsleið, ekki svo að skilja að ég hafi spilað mikið því eftir 35minútna leik var einn snillingurinn í hinu liðinu sem ætlaði að negla boltanum helst í gegnum marknetið hjá okkur en var ekki hittnari en það en hann negldi beint í kálfann á mér - djöfull var það vont. Ég varð fljótt allveg vitlaus og spurði strákana númer hvað hann væri því ég ætlaði að borga fyrir mig. Ég fór ekkert meira inná í leiknum þannig að hefndin þarf að bíða betri tíma. Þannig að ef þú færð boð um að spila með FC Marshall í utandeildinni - þá skaltu ekki klæðast treyju númer 7 !!! Þegar Refurinn kom svo heim til sín seinna um kvöldið var kálfinn á mér orðinn tvöfaldur og allur dofinn. Þegar ég lét svo tékka á þessu kom í ljós að það hafði flísast upp úr beini og ég má ekki fara í tæklingar næstu tvær vikurnar !!!
Lekurinn endaði 0-0 og því erum við búnir að vinna einn leik, tapa einum og gera eitt jafntefli. Eftir að hafa prófað þetta allt er liðið komið á þá skoðun að það sé skemmtlegast að vinna og því ætlum við að vinna allt það sem eftir er !!

Jæja nóg um fótbolta ! Ég lenti í allveg ótrúlega hressandi atviki fyrir nokkrum dögum. Ég vaknaði um nóttina og fór niður að fá mér vatn. Þegar ég var á leiðinni upp aftur stökk kötturinn Tómas á fótinn á mér og læsti klónum í hann og hljóp svo í burtu aftur. Hann var í einhverju voðalegu stuði kallinn og gerði þrjár aðrar tilraunir . Ég átti fótum fjör að launa og hljóp upp, læsti herberginu og dró sængina upp fyrir haus og þorði ekki út fyrr en um hádegi daginn eftir. Refurinn er orðinn mjög áhyggjufullur því hann er farinn að halda að litli strákurinn hans sé að breytast í ófreskju !!
Nú fer að styttast í HM - djöfulsins snilld verður það - algjör festival. Ég er samt svolítið hræddur um að missa af einhverjum leikjum þegar maður fer út en það verður þá bara að hafa það, þetta eru ekki svo margir dagar.
Nú reynir maður bara að vinna sér inn eins margar skipti og frívaktir í vinnunni eins og kostur er svo að maður þurfi ekki að taka sér mikið launalaust frí þegar maður fer út. Það gengur bara nokkuð vel og mér sýnist þetta ætla bara að koma vel út.

Jæja þetta er orðið ágætt í bili. Best að koma sér í ræktina og gera eitthvað af viti.

Speki dagsins ,,Reyndu að vera einungis háður sjálfum þér og engum öðrum því annars geturu vart kallað þig sjálfstæðan einstakling"

Þangað til næst veriði hress og njótið vorsins

Kveðja
Mikki refur

2006-05-23T22:40:00.000-07:00

Sæl veriði lömbin mín - refurinn heilsar í ,,vorblíðunni"

Síðan ég skrifaði hér síðast hefur margt drifið á daga refsins og mun ég reyna að tíunda sumt hér en geyma annað með sjálfum mér.
Eins og þið sem rákuð inn nefið í Urriðanum einhverntíma síðustu vikur vitið þá var herbergið mitt vægast sagt á hvolfi. Eins og ég var búinn að seiga áður þá var þetta farið að leggjast ansi þungt á mig sem og aðra fjölskyldumeðlimi. Ekki sást í gólfið fyrir fötum og allt var í messi. Refurinn var búinn að lýsa yfir vanmætti sínum yfir ástandinu og vissi ekki hvernig hann ætti að taka á þessum málum. Ég var þó öruggur um eitt og það var að ég gæti aldrei gert þetta einn míns liðs. Ég settist því niður og skoðaði þá möguleika sem í boði voru.

1. Hringja í pólska starfsmannaleigu og fá pólska verkamenn í verkið. Ég sá fyrir mér að það gæti verið erfitt að redda þeim atvinnuleyfi og einnig verð ég að játa að ég er farinn að riðga ögn í pólskunni.

2. Flytja inn Tæju. Það var vissulega hugmynd sem kítlaði. Þær kunna víst að taka til og eru víst magnaðar í að brjóta saman þvott og strauja. Maður hefur hins vegar heyrt ljótar sögur að því að ef menn flytja inn eina slíka þá séu þeir innan skamms komnir með heilu fjölskyldurnar inn á gafl til sín. Þannig að ég setti þessa hugmynd í salt.

3. Hringja í þáttinn ,, Allt í drasli" með Heiðari Snyrti og Margréti skólastýru húsmæðraskólans. Vissulega spennandi kostur ..... eða Nei ! Frekar myndi ég vaða skítinn upp að hnám heldur en að þá fá þau skötuhjú í heimsókn til mín í hvítu sloppunum með uppþvottahanskana sína tuðandi og nöldrandi !

4. Hringja í Kristínu the Icelandair princess og setja hana í málið ! Já þarna var hugmyndin komin. Ég hringdi því í hana og narraði hana til þess að kíkja í heimsókn og setti hana síðan í verkið. Á meðan ég sat og horfði á leikinn KR-FH í sjónvarpinu var þessi elska að endurraða í alla skápana og skúffurnar, ryksuga og skúra - já svona á lífið að vera. Ég seigi það ekki að það komu svona einstaka öskur við og við eins og ,,Þorri ! hvað er að þér. Hvað er langt síðan þú tókst til hérna " og fleiri og fleiri leiðinda athugasemdir en ég sagði bara já já skil þig og hækkaði í sjónvarpinu ;)
En allavegana þá er allt orðið voðalega fínt hjá mér. Allt nýraðað og gott og búið að velja þau föt sem ég má vera í og hverju ég á að henda eða gefa !!

Ég sagði ykkur frá því um daginn að ég væri að fara að spila með Pungmennafélaginu. Við spiluðum okkar fyrsta leik á sunnudag og töpuðum vægast sagt illa 3-1. Þetta var samt algjört flassback fyrir mig að spila þennan leik. Mér fannst eins og ég væri ennþá að spila með 2.flokki. Sigurður Logi búinn að hrækja aftan á einn mótherjann, sem brást auðvitað ókvæða við þannig að einhverjir pústar hófust sem við hötuðum auðvitað ekki að taka þátt í. Ég var náttúrulega samur við mig, allur rispaður á öðru hnénu og er hálf haltur og var að skipta mér af öllu því sem dómarinn gerði og kallaði meira að seigja kollega minn froðuheila. Já það er eins og við manninn mælt þegar þessi hópur kemur saman þá er eins og við skjótumst allir til baka í þroska um c.a. 10 ár. Ég vill samt taka það fram að ég var yfirburðarmaður á vellinum !!!!!!
Næsti leikur er svo á fimmtudag á grasi á Tungubökkum í Mosó - ég á góðar minningar frá þeim velli ;)

Refurinn er orðinn vörslumaður fyrir eignir vina og félaga sinna. Þannig er mál með vexti að vinur minn var að fara til USA og ætlar að vera þar í heilar 4 vikur og lét mig hafa bílinn sinn á meðan ásamt lykla af íbúðinni sinni sem ég á að passa upp á. Þannig að nú er refurinn hrikalegur spaði rúntandi niður Laugarveginn á GTI Golf og með hússkjól á Vatnsstígnum. Seinna í júní fer svo annar félagi minn út og ætlar að vera í 2-3- vikur og ég á að passa íbúðina hans í Hafnarfirðinum. Fínt að vera þar á vaktarhoppunum !

Jæja ég er orðinn þreyttur og nenni ekki að skrifa meira í bili.

speki dagsins ,, Þú ert höfundur af þinni eigin hamingju og þinni eigin vanlíðan. Haltu áfram að gera það sem virkar en hættu að gera það sem að virkar ekki"

Þangað til næst - Elskiði friðinn og strjúkiði kviðinn.

Kveðja
Mikki refur

2006-05-10T07:38:00.000-07:00

Stórafmæli í Urriðanum !

Merkisdagurinn 10.maí er runninn upp. Í dag er stórafmæli í Urriðanum. Hundurinn Guttormur Flóki er 4 ára í dag. Mér finnst svo stutt síðan við fórum og náðum í hann upp í Flókadal og tókum hann frá systkinum sínum og foreldrum. Hann var ekkert sérstaklega vígalegur á þeim tíma, skalf eins og hrísla og slefaði ósköpin ein á leiðinni í bæinn. En margt vatn hefur runnið til sjávar síðan þá og ekki hægt að seigja annað en það hafi ræst úr gripnum. Hann er orðinn stór og virðulegur hundur með vit á við meðal ljósku - sem þykir ekki slæmt. Hann er allt í senn varðhundur, félagi og vekjaraklukka sem aldrei þarf að trekkja upp eða skipta um batterí í. Með aldreinum hefur hann tekið að sér aukna ábyrgð á heimilinu þ.e.a.s. þegar enginn er heima þá passar hann köttinn Tómas eins og sjáaldur augna sinna. Hann meira að seigja hjálpar litla bróður sínum að klára matinn sinn ef að honum þykir hægt ganga að klára úr dallinum. Mikki refur, faðir Guttorms er gríðarlega stoltur af syni sínum. Mér finnst uppeldið hafa tekist með miklum sóma hjá mér. Guttormur byður mig að láta ykkur vita að hann muni vera heima við í dag og taka á móti gjöfum frá velunnurum sínum. Þeim sem vilja minnast hans er bent á gælusýrabúðina í Nethyl sem selur þurrkuð svínseyru og hundabein !!!

Af refnum er allt ágætt að frétta. Ég er búinn að nýta fríið mitt í að njóta veðurblíðunnar til fulls. Það er fátt skemmtilegra en að fara á hestbak í svona góðu veðri, fara í sund, taka göngutúr eða bara flatmaga og láta sólina baka sig en þetta hefur refurinn verið iðinn við síðustu daga.
Einnig er ég að reyna að gera upp við mig hvert ég eigi að ferðast í sumar. Það eru margir möguleikar í stöðunni en ég verð að viðurkenna að þeir eru allir allveg fjandi freistandi. Ég er ansi hræddur um að ef að ég færi á alla þá staði sem ég vildi þá yrði ég nánast ekkert heima í sumar. Þannig að nú liggur fyrir að setjast niður og fara að velja og hafna.
Annað sem er að gera mig geðveikan eru þessi bílamál. Ég þoli ekki að leita að bílum og bílasalar eru líka sennilega mestu fuckerar sem maður fyrir finnur á jarðríki. Setningar eins og ,,Ég myndi vilja sjá þig á þessum" og ,,ég get sennilega lent þessum á þennan díl" og svo hinn ógleymanlegi frasi ,, þetta er bíll sem ekki er hægt að sleppa ! " Hvað halda þessir menn að þeir séu ? Guðir? Meirihlutinn af þessu liði dreymir um að gerast fasteignarsalar og líta á bílasöluna sem stökkpall fyrir komandi frægð og frama í fasteignasölunni ! Ekki ósvipað og stöðumælaverðirnir sem horfa öfundaraugum á löggurnar og sækja um inngöngu í lögregluskólann en fá alltaf neitun. Ég er reyndar búinn að finna lausn á þessu vandamáli. Ég held að ég fái Golla Gullrass nágranna til þess að eiga við þessa fuckera fyrir mig því ekki nóg með að hann sé collegi þeirra (vinnur sem sölumaður hjá Toyota) heldur er hann allveg hrikalega ósvífinn í samskiptum við þessa menn. Hann ber svipaða virðingu fyrir þessu liði og Kuklux Klan ber fyrir Nelson Mandela !!

Um síðustu helgi fór refurinn í smá teiti hjá vinnunni. Þar var grill og drikkur í boði og tókst samkundan vel framanaf kveldi. Hópurinn fór síðan á Player´s í Kópavogi sem er NB afleitur staður ! Þar hrundi einn af vinnufélögunum ofan í holu sem var full af glerbrotum og skarst illa á hendi og þurfti að sauma 60 spor í hendina á honum !!!
Á laugardag fór ég svo austur í sveitir og sá að það er komið folald !!! Jibbý ! Ég, pabbi og Guttormur skoðuðum gripinn vel og vandlega og komumst að því að þetta er merfolald og heilsast ágætlega !
Á föstudag er svo stefnan sett á fjölskyldan öll þ.e.a.s. ég, Guttormur Flóki og kötturinn Tómas fari upp á dýraspítala í læknisskoðun og sprautur. Ætli Tómas fái ekki ormasprautu og kattafárssprautu og ég og Guttormur látum sprauta okkur gegn hundaæði ! Þetta verður allveg gríðarlegt stuð. Ef ég þekki ferlið rétt mun dýralæknirinn síðan mæla með því að hundurinn verði geltur en ég mun verjast því með mínum manni með kjafti og klóm ! Kötturinn Tómas hefur því miður farið í svona aðgerð en ég vill taka það skýrt fram að ég kom hvergi nálægt þeirri ákvarðanatöku og var það gert áður en ég fékk fullt forræði yfir þeirri elsku. Það væri kanski ekki úr vegi að nefna það við lækninn hvort að það sé möguleiki að hann fái náttúruna á ný með því að græða á hann ný eistu !!! Það myndi eflaust hleypa nýju blóði í son minn og hann myndi hugsanlega fara að hugsa meira um læðurnar hér í kring og missa þá áhugann á músunum og fuglunum á veiðilendunum sínum.

Jæja best að hætta þessari vitleysu áður en þetta verður jafnlöng lesning og málsskölin í Baugsmálinu.

Viska dagsins ,, Að lifa lífinu er eins og að hlaupa maraþon. Hlauptu með jöfnum hraða og slepptu sprettunum því annars er hætta á að þú sprengir þig og gefist upp"

Þangað til næst, Verið hress, ekkert stress - Alltílagi bless.

Kveðja
Mikki refur

2006-05-01T13:40:00.000-07:00

Tíminn líður hratt á gervihnattaöld

1.maí er runninn upp og kominn óratími síðan ég bloggaði síðast. Sumarið er gengið í garð og vill refurinn því óska vinum sínum gleðilegs sumars.
Mér hefur fundist þeir lesendur sem ég hef hvað mest samskipti við verið hálf tómlegir að undanföru og eina sjáanlega skýringin virðist mér vera sú að þeir hafi ekki fengið sinn skammt af viskupistlum refsins í langan tíma. Refur eins og ég verður að átta sig á ábyrgðinni sem hvílir á herðum hans, fólk reiðir sig á mig líkt og alfræðiorðabók og ef ég hætti að skrifa er hætt við að menntunarstigið í landinu sem og almenn þekking lækki niður um þónokkuð mörg þrep ! Ég hef því ákveðið að reyna að herða mig í skriftunum og skrifa oftar en þá hugsanlega verða pistlarnir styttri en áður.

Ég ætlaði mér að hafa það notalegt fyrir framan imbann og horfa á Grey´s Anatomy á stöð 2 en sá að þetta er þáttur sem sýndur var í sjónvarpinu í mars þegar ég var úti í Seattle þannig að það er því ágætt að setjast niður og skrifa eitthvað af viti.

Héðan úr Urriðanum er allt gott að frétta. Kötturinn Tómas fékk einhverja leiðindar pest um daginn og varð hálfslappur. Ég hélt að hann væri ekkert að ná sér og var búinn að ákveða eitt kvöldið að fara með minn ástkæra son til læknis morguninn eftir. Þegar ég kom svo niður um morguninn sá ég köttinn Tómas sigri hrósandi fyrir framan dauða mús sem lág inná gestaklósetti. Það verður að segjast eins og er að það bar ekki mikið á veikindum hjá þessari elsku og hefur hann verið hress síðan !

Um síðustu helgi fór Mikki refur á hina árlegu og margrómuðu dómararáðstefnu sem haldin var á Selfóssi. Þetta eru allveg magnaðar ráðstefnur - ef ráðstefnur skildi kalla. Ég var gríðarlega öflugur þarna. Ég tékkaði Selfoss townið vel út og var sofnaður fyrri daginn klukkan 6 um morguninn og risinn úr rekkju 2 og hálfri klukkustund síðar til þess að hlýða með gríðarlegri athygli á fyrirlesturinn ,, Prozone " sem Englendingurinn Keith Hackett hélt. Ég skil ekki enn þann dag í dag hvernig ég lifði af daginn án þess að sofna !!!!!!!!
Ég held að ég fari svosem ekkert útí atburði seinni kvöldsins en ég fullyrði það að það er gríðarlegur kraftur í mörgum af þessum gömlu skápum sem kallast knattspyrnudómarar !!
Seinna kvöldið sem við vorum á Selfossi var hátíðarkvöldverður í boði KSÍ. Áður en ég mætti fór ég til Stílistans minns Jolla til þess að finna hina fullkomnu samsetningu á fötunum enda þurfa refir eins og ég að vera vel til hafðir. Og auðvitað var ég lang fallegastur af öllum á svæðinu þótt ég segi sjálfur frá !!!!!

Nú eru hlutirnir að gerast ! Gamla crewið úr Árbænum þ.e. gömlu Fylkisstrákarnir sem ég spilaði með í gamla daga eru búnir að stofna utandeildarlið. Það eru nokkrir búnir að vera suða í mér að koma og spila með þeim og ég hef legið undir feldi í um 3 vikur og hugsað málið. Þetta hefur jú sína kosti og galla allt saman. Eins og margir vita þá elska ég fótbolta og meira að seigja það mikið að ég á það til að missa sensið þegar ég spila þessa blessuðu íþrótt. Ég fékk ófá rauðu spjöldin í gamla daga þegar ég spilaði og því hafði ég talsverðar áhyggjur af því, því þrátt fyrir að vera nokkuð skeinuhættur bakvörður í sókn var ég talinn grimmur varnarmaður og mitt vandamál fólst m.a. í því að sumum dómurum fannst ég vera fulltil grimmur á stundum !!!!!!!!
Í öðru lagi get ég viðurkennt að ég á það til að vera MJÖG tapsár og á það til að öskra á allt alla í kringum mig ef ég er að tapa. Ég treysti því að strákarnir muni hvernig ég var og fari ekki að taka því illa upp ef slíkt kæmi upp á - eins á ég ekki von á að við töpum mörgum leikjum (annars myndi ég aldrei spila!!).
Stæðsta vandamálið er hinsvegar lappirnar á mér eða réttara sagt öklinn. Ég sé fram á að þurfa að kaupa sjúkrateip í kassavís og einnig sé ég fram á langar andvökunætur við að rífa teipið af öklunum á mér !!! Þegar ég sagði einum ónefndum aðila frá þeirri ákvörðun minni að taka skóna fram að nýju fór viðkomandi að hlægja og sagðist ætla að setja af stað veðbanka þar sem fólk gæti veðjað um hversu oft ég þyrfti að fara uppá slysó með snúna ökla.
Ég ætla að ríða á vaðið og leggja 1000 kr undir að ég þurfi ALDREI að fara upp á slysó vegna fótboltameiðsla í sumar !!!

Jæja nenni ekki að skrifa meira í bili. Þetta er komið út í rugl hjá mér.

Viska dagsins ,, Njóttu augnabliksins"

Þangað til næst Sjáumst og heyrumst hress og kát

kveðja
Mikki refur

2006-04-11T11:20:00.000-07:00

Refurinn nýuppdressaður ;)

Nú er kominn tími til þess að setjast niður við skriftir og deila með ykkur helstu viðburðum úr hinu viðburðarríka lífi refsins.

Ég er næstum allveg búinn að jafna mig eftir svikin miklu þann 1.apríl. Ég meira að seigja braut odd af ofláti mínu og aðstoðaði Tomma um daginn við að kaupa inn í íbúðina hans. Ég held að við höfum eytt hátt í tveimur tímum í IKEA í að kaupa alskonar dót. Þetta var farið að líta ansi furðulega út þar sem við stóðum saman í eldhúsdeildinni og vorum að diskutera hvort að þetta eða hitt færi vel í eldhúsinu. Ég held að aðrir viðskiptavinir hafi dregið þá ályktun að þarna væri mjög hamingjusamt hommapar sem væri í þann mund að fara flytja inn í íbúðina sína saman !!!

Úr Urriðanum er það að frétta að kötturinn Tómas neitaði að borða matinn sinn í heila viku og var farinn að leggja þónokkuð meira af. Ég var farinn að halda að sonur minn væri orðinn eitthvað veikur því að hann hefur hingað til ekki fúlsað við matnum !!! Í eitt skiptið þegar ég var svo að gefa honum rak ég augun í matarpokann hans og sá þar stóð ,, Great for Puppy" semsag var verið að reyna fóðra son minn á hvolpafóðri !!! Sem betur fer mátti hann allveg við því að grennast aðeins en hins vegar má deila um hversu góð aðferð þetta er til þess. Hins vegar verður að viðurkennast að hann virðist núna vera að reyna að bæta upp allt matarleysið því að hann étur eins og hross !
Eins og flestir vita þá vinn ég á vöktum upp í álveri og því getur svefntíminn stundum verið svolítið óreglulegur. Mér finnst samt allveg frábært að þegar ég kem heim úr vinnunni þá bíður kötturinn Tómas alltaf eftir mér úti á plani og kemur svo inn með mér. Hann sefur líka bara á sama tíma og ég. Þannig að þegar ég kem heim úr vinnunni og fer upp og legg mig, þá hleypur þessi elska á eftir mér og leggur sig í Burberry´s húsinu sínu !!!

Nú gengur þetta ekki lengur ! Ég verð að endurraða inn í fataskápinn og kommóðuna mína og jafnvel neyðist ég til að kaupa auka hirslur !!!
Og enn fjölgar í fataskápnum. Þannig er nefnilega mál með vexti að ég er með mann á mínum snærum sem sér um að dressa refinn upp. Þetta er svona einskonar minn einka stílisti svona svipað dæmi og David Becham er með - enda ekki leiðum að líkjast. En allvegana þá er ég kominn með tvenn ný jakkaföt í hús. Önnur svört og hin gráteinótt sem eru sérsniðin - enda þýðir ekkert minna þegar Mikki refur á í hlut !!! Með þessum herlegheitum fylgdi eitt stykki skyrta, þrír langerma bolir og einir spariskór - Já Refir verða að vera flottir í tauginu !!!
Til þess að toppa svo allt saman fékk ég svo heimsókn í morgun frá FEDEX sem kom með Adidas skóna mína sem ég ér búinn að vera að bíða eftir eins og lítið barn sem bíður jólanna, OG NB þeir eru virkilega flottir !!!

Nú eru páskarnir framundan og ég veit ekki hvað ég á að mér að gera. Ég var eiginlega búinn að plana að fara norður á Skíði um páskana en veit ekki hvað verður úr því. Svo var verið að bjóða mér í sumarbústað um helgina. Og svo er líka alltaf hægt að vera bara í bænum og hafa það notalegt með famelíunni og páskaeggjunum ! Eins og oft áður verður refurinn því að leggjast undir feld og ákveða hvað gera skuli ! En eitt er víst og það er að eitthvað verður gert !!!!!

Á fimmtudag fór refurinn svo í keilu með vaktinni. Það endaði náttúrulega með heljarinnar skralli og var ég að skila mér heim um 3 leitið. !!! Ég ætla ekkert að ræða árangurinn hjá mér í keilunni þetta kvöldið.
Á laugardag kíkti ég svo aðeins út og ætlaði bara að vera stutt en hitti slatta af fólki sem ég þekki og það endaði með því að ég var að koma heim í kringum 6 !!!!

Jæja læt þetta nægja í bili nenni ekki að skrifa meira núna.

Speki dagsins ,, Hugsaðu um sjálfa(nn) þig. Það gerir gerir það enginn annar"

Lífið er yndislegt, ég geri það sem ég vil. Skyldi maður verða leiður á því til lengdar að vera til ?

Kveðja
Mikki refur

2006-04-04T17:27:00.000-07:00

Sælt veri fólkið. Refurinn heilsar.

Jæja þá er komið að því að setjast niður við skriftir. Nú er apríl runninn upp. Hann hófst ekki gæfulega aprílmánuðurinn hjá refnum. Þannig var nefnilega mál með vexti að ég var plataður ansi illilega á fyrsta degi aprílmánaðar. Það vildi þannig til að ég var staddur heima og var eitthvað að slæpast á msninu að tala við eitthvað fólk. Tómas vinur minn sendir mér línu og spyr hvort að ég geti reddað honum því hann sé bensínlaus upp í háskóla, þannig að ég stökk út í bíl, fór út á bensínstöð keypti bensín á brúsa og brunaði uppeftir. Þegar þangað kom tók Tommi hlægjandi á móti mér. Refnum finnst það illa gert að misnota svona gróflega hjálpsemi sína. Allir vita hversu góðhjartaður refurinn er og hversu fullur hann er að náungakærleik. Mér finnst persónulega mjög illa gert að misnota góðsemi refsins þó að það sé 1. apríl. Ég hlýt að endurskoða vinskap minn og Tómasar Karls í ljósi þessa atburðar !

Annars er það helst að frétta héðan að Líney systir skilaði sér loksins heim eftir nokkrar hrakfarir. Það varð seinkun á vélinni hennar þannig að hún kom heim hálfum sólahring á eftir áætlun. En hún skilaði sér allavegna heim.

Lífið hefur annars bara gengið sinn vanagang. Ég geri Jógaæfingarnar mínar á hverjum degi enda orðinn kattliðugur og fer svo í ræktina þrátt fyrir að fólk vilji ekki kannast við að hafa séð mig að störfum í líkamsræktarstöðinni ! Ég klára svo vaktasyrpu á morgun og er þá kominn í frí framyfir helgi sem er bara helvíti næs. Ég mun nú samt ekki sitja auðum höndum í fríinu. Refurinn stefnir nefnilega á að finna sér bíl við fyrsta tækifæri og er hann kominn með menn í vinnu við að finna einhverja góða sjálfrennireið.

Mikki refur var að vinna yfir helgina en náði þó að afreka ýmislegt. Ég og Líney fórum t.a.m. í mat til Odda frænda og Auðar og fengum lambalæri. Eftir matinn tókum við okkur svo til og spiluðum hið gamla góða Matador ! Já það er óhætt að segja að það hafi rifjað upp gamla minningar. Svo ég fari fljótt yfir sögu þá tapaði ég þrátt fyrir að eiga hótel á Sólvallargötunni sem á nú að vera allveg prime staðsetning ! En eins og stendur einhversstaðar ,, óheppinn í spilum heppinn í ástum". Þar sem ég tapaði frekar illa þá er það allveg á hreinu að ég á eftir að verða í gríðarlega hamingjusömu sambandi MJÖG fljótlega annað getur bara ekki verið, bara málið að hafa símann alltaf við höndina og bíða eftir að hún hringi !!!!! ;)

Ég kíkti líka niðrá Gauk á Stöng um helgina en þar var einn af æsku fótboltameðspilurum mínum að halda teiti í tilefni af nýjum þætti sem er að fara í loftið á Sirkus. Já ef að hann Þorsteinn Rottweiler eða Megalár eins og hann er stundum kallaður á ekki eftir að meika það úti í hinum stóra heimi eiga fáir eftir að gera það. Refurinn sá allveg fullt af frægu og nafntoguðu fólki. Ég meira að segja talaði við nokkra !! Ég hitti t.d. Brynju Björk sem var á forsíðunni á Fókus fyir nokkrum mánuðum. Hún rabbaði aðeins við refinn og er víst orðin blaðamaður á Séð og Heyrt - já það eru ekki allir jafnheppnir og Mikki refur að þekkja fólk á Séð og Heyrt. Ég bíð bara eftir að sjá nafnið mitt í hverjir voru hvar dálknum !!! Annars var þetta bara mjög gott teiti.

Eins og þeir sem þekkja refinn vita á hann það til að vera svolítið hefnigjarn. Þannig er mál með vexti að það er alltaf einhver svona sturtudjókur hjá okkur strákunum í vinnunni, skrúfað frá kalda vatninu hjá félaganum o.s.frv. (strákar í sturtu er bara eins og leikskólasamkoma). Í síðustu syrpu tók einn sig til og flengdi refinn. Ég er ekkert að ýkja þegar ég segi að það hafi verið far á rasskinninni í 3 daga á eftir. Í gær var svo kominn tími til þess að hefna sín. Þessi maður er mjög mikil kuldaskræfa og skrúfa t.d. bara frá heita vatninu þegar hann fer í sturtu. Ég sá mér leik á borði elti hann inn í sturtuna með brunaslöngu, skrúfaði frá kalda vatninu og sprautaði á hann. Þessi stóri og stæðilegi maður sem er yfir 2 metrar á hæð og yfir 100 kg ýlfraði eins og smástelpa !! Þannig að nú er stæðsti og stæðilegasti maðurinn á vaktinni orðin tíkin mín- já refurinn er búinn að stimpla sig inn !!!

Eins og ég segi þá ætla ég að nota vaktafríið mitt vel. Það er búið að bjóða mér í flugferð í lítilli rellu en ég verð að viðurkenna að ég er svona frekar smeikur við að fara í svona litlar vélar sérstaklega þegar veðrið er ekki til þess að hrópa húrra fyrir þannig að ég ætla aðeins að sofa á þessu.

Ég sá í commentunum hérna síðast að Mary´s er jafnvel að fara gerast collegi minn hjá álverinu í sumar þ.e.a.s ef maður verður á skerinu ! Ég held að tilvonandi kennarinn eigi eftir að gera góða hluti í kerskálanum og ef vel liggur á refnum bíður hann kanski nýliðanum upp á kaffi ;)

Jæja þetta er orðið gott af bulli í bili

Speki dagsins: ,, Frestaðu því aldrei til morguns sem þú getur gert í dag"

Þangað til næst Auf Wiedersein !

Kveðja
Mikki refur

2006-03-28T05:39:00.000-08:00

Sælt veri fólkið !

Það hefur svosem ekkert mikið verið í gangi hjá refnum síðan hann settist niður við skriftir síðast. Ég kláraði vaktasyrpu á sunnudag og er því kominn í frí fram á föstudag. Þessi vinna er svo sweet. Maður tekur bara með sér bók og les milli þess sem maður fær sér kaffi. Í fyrsta skipti á ævinni fæ ég borgað fyrir að læra !
Ég held áfram í líkamsræktar fanatíkini minni. Fólk er farið að halda að ég sé orðinn ruglaður farandi í ræktina stundum tvisvar á dag.
Það er gaman að segja frá því að Jógað gengur líka allveg óskaplega vel. Mér til mikillar furðu náði ég að grípa um hælana með beinum fótleggjum í tímanum í gær. Já refurinn er orðinn liðugur sem snákur. Að loknu þessu námskeiði held ég að það væri réttast að athuga hvort ekki sé boðið upp á Tantra námskeið - það er eitthvað sem refnum þætti spennandi kostur ;)

Nú kemur systir refsins heim á morgun frá Seattle og ætlar að dvelja hvorki meira né minna en í heila 3 mánuði. Það verður að seigjast eins og er að refurinn er frekar spenntur yfir að fá hana heim, ekki ósvipuð tilfinning eins og að bíða eftir að fá að opna jólapakkana !
Refurinn fékk reyndar símtal frá henni í nótt. Hún var allt annað en hress. Þannig var að ég hafði pantað fæðubótarefni á netinu og sendi á hana. Þegar þetta kom svo til hennar kom í ljós að um var að ræða tvöfalt það magn sem ég ætlaði að fá !!! Með tilheyrandi þyngd. Ég hafði hugsað mér að panta um 3-4 kg en eftir því sem mér skildist var um að ræða meira svona 7-8 kg !!! Sem yrðu sennilega ársbyrgðir fyrir mig !!! Ekkert sérstaklega vinsælt fyrir fólk sem er að pakka niðrí ferðatösku og þarf að huga að plássi og þyngd !!

Ég hef verið að velta fyrir mér undanfarna daga hversu mikið lúxus líf það er að vera hundur eða köttur. Spáið í þessu, það eru engar skyldur. Bara að éta og sofa og hreyfa sig þegar maður nennir. Svo telur maður sér trú um að maður sé búinn að ala þessi grey upp og þjálfa þau en raunin er að það eru dýrin sem eru búin að ala mig upp. Þegar Guttormur Flóki t.a.m. opnar inn í herbergi til mín, stekkur upp í rúmið og sleikir á mér andlitið þýðir það að honum finnst tími til þess að ég fari á fætur og hleypi honum út í garð - og viti menn ég hlýði !! Sama gerist þegar kötturinn Tómas stendur fyrir framan hurðina og krafsar í hana þangað til ég vakna, þá er kominn tími til þess að hleypa honum út eða gefa honum að borða- og aftur hlýði ég ! Maður hlýtur að spyrja sig , hver er að ala hvern upp og hvor er húsdýrið ? Ætli þeir félagar líti ekki á pabba sinn sem húsdýr sem gott er að hafa not af öðru hverju ? Maður spyr sig.

Nú er mars mánuður brátt á enda kominn og ekki seinna vænna en að fara undirbúa næstu reisu út. Refurinn víðförli er með mörg járn í eldinum varðandi ferðamál enda margt sem liggur fyrir. Ég verð að fara að negla niður dagsetningar ofl.

Jæja ég ætla bara að hafa þetta í styttri kantinum í dag. Enda er ég búinn að mæla mér mót upp í hesthúsi núna eftir smástund.

Speki dagsins,, Taktu á móti deginum brosandi glaður því ef þú smælar framan í heiminn þá smælar heimurinn framan í þig" Eins og meistarinn komst að orði.

Þangað til næst
Veriði kát lömbin mín

kveðja
Mikki refur

2006-03-22T13:06:00.000-08:00

Sæl veriði. Lesið og lærið börnin góð !

Jæja lesendur góðir, þá hefur refurinn Mikki gefið sér tíma til þess að setjast niður og skrifa um helstu atburði og hugleiðingar sínar ykkur til ánægju og yndisauka.

Ég vill byrja á að taka það fram að enn hafa refnum engir pakkar borist. Þetta er hið undarlegasta mál og ekki laust við að refurinn sé farinn að gruna strafsmenn póstsins um græsku !!!
Fyrir þá sem ekki vita það er nafnið Mikki refur tilkomið frá bestu vinkonu minni Kristínu Gests (Tina Gests, Flugfreyjan, Nunnan ofl.) Af gefnu tilefni gaf hún mér þetta nafn einu sinni, en refnum þykir heillvænlegast að fara ekki nánar út í það hvað olli nafngiftinni !

Síðustu daga hafa verið að týnast inn bréfin frá dönsku skólunum eitt af öðru þar sem að þau staðfesta að hafa móttekið umsóknina frá mér. Ég á svo að fá svar 28.júlí !!!!!
Einn skólinn sem ég sótti um varð samt svo bergnuminn yfir umsókninni minni að hann bauð mér umsvifalaust skólavist næsta haust. Þessi skóli er í kóngsins Köbenhavn og er að sögn kunnugra mjög fínn. Refurinn hefur samt lært í gegnum tíðina að stökkva ekki á neitt heldur sína yfirvegun. Ég ætla því að bíða og sjá til hvað ég geri með þennan skóla, þó svo að hann hafi verið ofarlega í forgangsröðinni hjá mér.

Annars er það helst að frétta að ég endurnýjaði kynni mín af Fylkishöll um síðustu helgi - mikið var ég búinn að sakna baðvarðarstarfsins ! Stundum finnst mér eins og ég hafi verið fæddur í þetta job og það er vissulega stórkostlega gefandi og oft á tíðum spennandi. Spurningar eins og ,, skyldi þessi fara í sturtu í dag eða sleppa því ?" Og ,,Hvað ætli ég muni selja marga svala á þessari vakt ?" leita oft á mig og það eru einmitt þessir hlutir og þessi spenna sem gerir að að verkum að ég get ekki slitið mig frá starfinu.

Annars er ég búinn að eiga heima nánast í ræktinni síðustu vikur. Ég hef meira að segja gengið svo langt að taka tvær æfingar á dag - Já góðir hálsar - Refurinn stefnir á að verða þolfimitröll, innan skamms mun ég riðja þessum Magnúsi Scheving íþróttarálfi til hliðar, yfirtaka latabæ og gerast aðalnúmerið í þáttunum !!! Já metnaður refsins nær langt !
Ég hleyp, lyfti og syndi og reyni að blanda þessu í svona hæfilegan kokteil. Stundum tek ég rauðhærða manninn með mér í sund , skil hann eftir í barnalauginni á meðan ég syndi í djúpu !!!

Eins og þið vitið þá er ég í Jóga og síðan ég skrifaði hér síðast hafabæst við tveir karlmenn í hópinn. Refurinn ætlar ekkert að vera neitt góður með sig eða neitt svoleiðis en hann er bara mjög sáttur við sig. Síðustu tveir tímar hafa verið allveg þrælmagnaðir, frekar flóknir og erfiðir en það er allavegana skemmst frá því að segja að ég er farinn að ná svokallaðri axlarstöðu (þ.e. liggja á öxlunum) og VITI MENN Refurinn nær að teygja sig niðrí gólf án þess að beygja hnén !!!
Í framhaldi af mikilli velgengni refsins í Jóganu keypti hann sér jógadýnu. Þannig að nú er ég hér heima (og upp í Fylki reyndar) í tíma og ótíma að æfa mig í allskonar teygjum og æfingum !!!

Með tilkomu refsins aftur heim í Urriðan hafa komið upp nýjir straumar skulum við segja. Ég er búinn að gjörbreyta matarvenjum heimilisfólksins. Fullt að girnilegu grænmeti ásamt kjúkkling og brúnum hrísgrjónum sem refurinn galdrar fram hefur komið í stað hrossabjúgna og spikfeitu lambakjeti ! Já litla lífræna samfélagið sem mig dreymdi alltaf um er að verða að veruleika hér í Urriðanum ;)

Ég gleymi einum stórtíðindum ! Það var hringt í refinn í gær og hann beðinn um að koma að vinna upp í Álveri í Straumsvík. Mér leist ágætlega á það og sló til. Þegar ég spurði svo hvenar ég ætti að mæta fékk ég svarið ,, Geturu ekki bara komið í nótt? Okkur vantar tilfinnanlega mann strax !! " Þannig að Mikki refur er kominn á fornar slóðir í steypuskálanum !

Nú er Líney systir refsins að koma heim í næstu viku og ætlar að vera í hvorki meira né minna en 3 mánuði. Ég hef því nýtt tækifærið og keypt og látið senda á hana allt það dót sem ég sá eftir að hafa ekki fengið mér þegar ég var úti !! Já manni vantar alltaf eitthvað !

Bara eitt til viðbótar ! Ég var að renna í gegnum dagsskránna í sjónvarpinu og var að flakka á milli stöðva. Hvað haldiði ? Rekst ég ekki á Dr. Phil á skjá einum ! Það hefur semsagt einhverjum vitleysingnum dottið í hug að sýna hann hér á landi - ótrúlegt. Ég býð bara eftir Tyru Banks Show !!!

Jæja nóg komið af bulli í bili.

Speki dagsins ,, Reynslan hefur sýnt að skyndilausnir virka yfirleitt ekki. Til þess að ná árangri þarftu að leggja erfiði á þig."

Þangað til næst

Lífið er yndislegt ég geri það sem ég vil.

Mikki refur

2006-03-14T06:57:00.000-08:00

Loksins, loksins. Mikki refur er mættur til að göfga huga ykkar ;)

Jæja loksins loksins gef ég mér tíma til þess að setjast niður við skriftir. Refurinn veit nefnilega að þarna úti bíður fjöldinn allur af fólki í ofvæni eftir nýjum pistli. Refurinn hefur það nefnilega á tilfinningunni að pistlar hans göfgi lesendur hans og því finnst honum það vera siðferðislega og samfélagsleg skylda sín að setja niður á prent hugleiðingar sínar ásamt léttri yfirferð yfir heldstu atburði í lífi hans.

Það verður að viðurkennast að maður verður að setja sig í ákveðinn gír þegar maður kemur aftur heim á Frón. Maður verður einhvernveginn að taka þátt í þessu stress kapphlaupi með hinu fólkinu annars finnst maður eins og maður sé eitthvað öðruvísi en hinir - Furðulegt. Allir eru á einhverjum eilífðar þönum út um allan bæ án þess að virðist vera nokkur ástæða fyrir því.
Ég ætla svosem ekkert að virðast vera eitthvað voðalega vanur og laus við að vera þátttakandi í þessu bulli en samt sem áður finnst mér þetta allveg einkennilegt hérna á þessu blessaða landi.

Ég ætla þó að viðurkenna að ég í gær(mánud) munaði litlu að ég hefði gjörsamlega farið yfir um af stressi. Þannig er mál með vexti að Mikki refur hyggur á nám erlendis. Þar sem ég er bara nýlega kominn heim frá Seattle - allveg dauðslakur og rólegur var ég ekki allveg með það á hreinu að umsóknirnar þyrftu að vera komnar fyrir kl 12:00 á miðvikudag. Það var því ekki fyrr en á fimmtudag að ég fór eitthvað að gera í þessum málum af einhverri alvöru, skoða skóla o.s.frv. Um helgina gerði ég svo umsóknirnar mínar og allt leit vel út. Ég vissi að ég þyrfti bara að koma þessu í póst fyrir klukkan 15:45 á mánudag. Á Sunnudag var mér svo sagt að það gæti verið mjög mikilvægt að skrifa ferilskrá um sig og best væri ef hún væri á dönsku !!
Refurinn tók sig til og skrifaði heljarinnar grein um sjálfan sig og lofaði sjálfum sér í hástert - enda finnst mér sjálfum ekkert nema gott eitt um mig að segja og satt best að segja finnst mér ég vera allveg frábær !!! En þá kom vandamálið - að snara lofsgreininni yfir á danska tungu. Ég verð að viðurkenna að ég fór ekkert mikið lengra en ,,Jeg hedder Torvaldur Arnason, jeg er 24 ar gammel. Jeg ba i Reykjavik, Island" ATH a á að vera bollu-a !!!! Þetta var að taka alltof langan tíma en einnig vildi ég hafa þetta pttþétt. Ég hringdi því í danskan skjalaþýðanda og lét hann snara þessu yfir á dönsku fyrir mig. Þessi ágæti maður lofaði að hafa lofsgreinina tilbúna um hádegi en raunin varð sú að ég var að rífa blöðin út úr prenntaranum klukkan 15:55 og með DHL í símanum að segja þeim að ég væri að koma eftir 1 mínútu !!!! Rúmlega 16:00 var Refurinn mættur móður og másandi niðrí DHL með bréfin og titraði allur af stressi. Sem betur fer var ekki búið að ná í pakkana og fara með þá upp á völl.
Ég sá svo áðan að öll bréfin eru komin á áfangastað 16 klst síðar - sólahring áður en fresturinn rennur út - Ég veit hreinlega ekki hvað maður er að stressa sig á þessu ;)

Nú er bara að snúa sér að næsta verkefni. En það er að fara endurskipuleggja í herberginu sínu. Refurinn er ekki að sjá hvernig ég á að koma öllum þessum fötum fyrir - þetta er farið að valda mér svefntruflunum og ofsakvíða. Það er því bara um tvennt að gera: leita sér að lagerhúsnæði eða halda bílskúrssölu hérna út á stétt. Ég veit ekki hvor hugmyndin verður ofaná !

Nú eru 11 dagar liðnir frá afmæli refsins og hann hefur engan pakka fengið síðan hann kom heim ! Ég ætla svosem ekkert að vera með einhverja sleggjudóma en mig grunar að póstþjónustan á Íslandi sé farin að dala all verulega. Ég ætla samt sem áður ekki að láta deigan síga heldur bíð ég spenntur við dyrnar heima vitandi það að innan skamms á eftir að koma heill hellingur af pökkum til mín ;) Mikki refur vill þó nota tækifærið og þakka fyrir afmæliskveðjurnar sem hafa hrúast inn undanfarna daga. Takk Daymers !, Takk Kristín Flugfreyja!, Takk Oddi frændi! , og takk kæru baðvarðarkollegar í Fylkishöll ;)

Jæja nóg um þetta. Eins og þið vitið flest öll greip um sig mikill líkamsræktaræði hjá Refnum skömmu fyrir jól. Ekki sér fyrir endan á æðinu og gengur bara allveg voðalega vel. Refurinn passar t.d. voðalega vel upp á mataræðið hjá sér- reynir að borða mikið grænmeti og helst lítið unna vöru. Ég verð að segja eins og er að ég er miklu hressari og líður miklu betur eftir að ég fór að taka svona til í mataræðinu hjá mér enda er refum ekki ætlað að borða skyndibita !!!
Í tilefni hins mikla líkamsræktaráhuga refsins fannst foreldrum mínum vel við hæfi að gefa mér námskeið í Jóga hjá Guðjón Bergman nokkrum. Refurinn mætti galvaskur í gær. Var einn innan um 7 konur og líkaði vel. Það verður að segjast eins og er að það kom sér vel að læra slökunaraðferð eftir að hafa lent í öllu þessu stressi með umsóknirnar fyrr um daginn.
Eins og ég segi þá var þetta allveg þrælgaman og áhugavert og mér líst bara allveg ótrúlega vel á þetta.
Fyrverandi sambýlingar mínir í Sesamestræti 58 í Seattle fullyrtu að ég myndi aldrei þora að fara í Jóga þar sem að þær þóttust finna fyrir smá fordómum hjá mér gagnvart því. Það er því gaman að segja frá því að þær höfðu aldeilis rangt fyrir sér.
Ég spái því að þegar yfir líkur verði ég búinn að fá mér appelsínugulan kufl, búinn að taka hindúatrú og verði svífandi í hugleiðslu, fyrir utan það hversu liðugur ég verð. Já sá hlær best sem síðast hlær.

Í síðustu viku fór ég svo upp í hesthús. Mikið var gaman að sjá þessar elskur aftur. Mamma fór á reiðnámskeið og ég fór á hesti með henni. Hún stóð sig eins og hetja (enda mamma mín).
Nú þegar þetta skólaumsóknardæmi er búið er um að gera að fara að skella sér á hestbak.
Svo er NB Opið í bláfjöllum þannig að það er líka á dagsskránni að skella sér á brettið, maður verður nú að sína þessum kálfum hvernig á að fara að þessu. Svo væri ekki vitlaust að skella sér til Akureyrar á skíði einhverja helgina og nýta sér þar með boðið sem ég fékk frá vinum mínum norðan heiða- Set þetta inn í áætlunargerðina mína ;)

Jæja þetta er orðið ágætt hjá mér. Ég skrifa sjaldan og ég skrifa þá skrifa ég allt of mikið. Ég vona samt að þetta gáfnatal mitt hafi náð göfga huga ykkar kæru vinir.

Speki dagsins ,, Ekki dæma fólk af orðum þeirra. Dæmdu það frekar af gjörðum sínum"

Þangað til næst. Hafið það gott

Kveðja
Mikki refur

2006-03-08T09:57:00.000-08:00

Sælt veri fólkið - Mikki refur heilsar sæll og glaður.

Þá er Mikki refur kominn heim í grenið sitt. Allt virtist vera eins og það átti að vera í Urriðanum. Ég opnaði útidyrahurðina með fangið fullt af farangri, galaði ,,Halló" og vissi ekki fyrr en hundurinn Guttormur Flóki stökk upp á mig ýlfrandi og bauð mig velkominn heim með ilvolgu hlandi sem lenti á vinstri skálm gallabuxnanna minna, rétt eins og hann gerði þegar refurinn kom heim í haust. Kötturinn Tómas kom svo í humátt á eftir, grenjandi og vildi greinilega fá eitthvað að borða. Já það er ekki hægt að segja annað en börn refsins séu yndislegir persónuleikar.

Annars er bara fínt að frétta af Mikka ref. Ég hélt heim á leið fyrr en áætlanir gerðu ráð fyrir. Fór frá Seattle á fimmtudagskvöld og var kominn til London klukkan 14:00 á föstudag. Þá var ég semsagt búinn að eyða ríflega helmingnum af afmælisdeginum mínum um borð í flugvél sem var vægast sagt öðruvísi (NB Ekkert SagaClass núna ). Það er fátt skemmtilegra en að halda upp á afmælið sitt í 36 þúsund fetum með sannkallaðri veislumáltíð sem samanstóð af sveittu ravioli, brauði og með ostaköku í eftirrétt - já sannkölluð veislumáltíð.

Þegar til London var komið tók ég svo öll 44 kílóin mín og dröslaði mér á hótel og hitti Eyjólf nokkurn Finnsson sem ákvað að eyða afmælisdeginum sínum í London einnig.
Sambýlingar mínir í Sesamestræti 58 höfðu gert grín af refnum daginn áður en hann hélt á brott og lögðu til að hann tæki að sér að vinna við innkaup fyrir ríkt fólk enda væri auðséð að innkaup væru ein af helstu áhugamálum hans. Ég viðurkenni að mér fannst að mér vegið. Ég hafði ekki keypt svo mikið í þessari ferð, meira að segja lagt mig fram við að halda innkaupum í lágmarki. Refurinn keypti einungis nokkrar spjarir til þess að vera í enda ótækt með öllu að ganga um götur nakinn ! Þegar ég hins vegar hitti téðan Eyjólf Finnson í London, fór ég með honum í innkaupaleiðangur fyrir karlfatabúð eina hér í borg. Þegar upp var staðið höfðum við keypt u.þ.b. 250 peysur og um 300 trefla. Þannig að það má segja að refurinn sé að einhverju leiti ábyrgur fyrir vetrarlínunni sem kemur í búðina næsta haust ! Ef ykkur finnst peysurnar eða treflarnir ekki flottir þá getið þið lagt inn kvörtun til mín( ég mun líklega halda því fram að þið hafið lélegan smekk !!)

Annars eyddum við félagarnir helginni í að rölta um London, kíktum í búðir og fórum á nokkra svakalega góða veitingarstaði og slöppuðum bara af. Ásamt því að hitta fólk sem refurinn þekkti.
Það var gríðarlega gott að hitta á Eyjólf þarna því annars hefði ég líklega þurft að borga tugi þúsunda í yfirvikt ( var með rúmlega 20 kg umfram). Þannig að ég rétti Jolla ferðatöskuna mína (sem einhver kallaði gám !) og tékkaði sjálfur inn snjóbrettið mitt.

Ég veit ekki hvað er með mig. Ég hlýt að líta eitthvað skuggalega út eða eitthvað því ég er ALLTAF tekinn í gegnumlýsingu þegar ég fer í gegnum tollinn í Leifsstöð. Þetta fer að jaðra við áreiti í minn garð. Þeir hafa þó ekki sett upp latexhanskana en ég verð samt að segja eins og er að ég bara bíð eftir því að einhver sveittur og skælbrosandi tollarinn taki á móti mér með latexhanskana upp á olnboga og vasaljós í hönd og byðji mig um að koma með sér bakvið !!!

Nú þegar heim er komið er komið að því sem mér finnst leiðinlegast af öllu við ferðalög, en það er að taka upp úr töskunum og raða inn í skápa. Ég held að ég þurfi bara að gefa eitthvað af fötum því að ég er ekki að sjá að ég komi þessu fyrir inn í skáp hjá mér :( Ég fer í þetta einhverja nóttina því ég er enn á Seattle tíma þ.e. vaki á nóttunni og sef frameftir á daginn- ekki það að það er þrælfínt að lesa vefja og fósturfræði á nóttunni á milli þess sem maður reynir að læra utanað heitin í Anatomyunni.
Næstu kvöld ætla ég svo að hafa það notalegt og horfa á DVD diskanna sem ég keypti mér í BestBuy.
Ég hef tekið þá ákvörðun í ljósi lélegra viðbragða við skemmtiferð minni sem ég minntist á í síðasta pistli þ.e. að fara og vera við tökur á Dr. Phil og Tyru þáttum að reyna að flytja þetta lið bara inn. Ég stefni að því að fá fund með Einari Bárðar og ætla að fá hann til að hjálpa mér að taka þetta lið inn. Hann hefur jú flutt inn ófáa skemmtikraftana og hlýtur að vera allveg uppveðraður að fá Dr. Phil og Tyru Banks. Ég myndi svo taka einhverja þóknun af heildarhagnaði sem yrði af þessu. Ég sé fyrir mér að ég verði milli !!!

Jæja ég er búinn að rugla nóg í dag.

Speki dagsins ,, Þakkaðu fyrir það sem þú hefur á hverjum degi því á morgun gæturu glatað því öllu "

Veriði hress - Bless

Mikki refur

2006-02-27T12:26:00.000-08:00

HÆ HÓ FÓLKS !!

Jæja þá er helgin liðin og mánudagur genginn í garð. Mikki refur er eilítið sár yfir að missa af Bollu, Sprengi og Öskudegi !! Ég get sennilega reddað þessu með bollurnar þ.e. ég skipti þeim bara út fyrir sveitta og sykraða kleinuhringi. Eins er lítið mál að klæða sig upp eins og fífl hér í borg þar sem að borgin er hvort ið er yfirfull af furðufuglum þannig að enginn tæki neitt sérstaklega eftir því ef maður myndi smeigja sér í grímubúninginn. Það er hins vegar öllu verra með saltkjötið og baunirnar því hér fæst ekkert almennilegt lambakjöt. Ég er samt bara að spá í að breyta út af vananum þetta árið og skella mér á Mcdonalds og raða í mig nokkrum BigMc. Það er sennilega eitt það ógeðslegasta sem maður getur gert í tilefni sprengdagsins.

Ég er að fullu búinn að jafna mig líkamlega eftir brettaæfingarnar mínar fyrir rúmlega viku síðan. Allir marblettir eru horfnir ásamt öllum strengjum. Enda eyddi ég allri síðustu viku í að hlaupa úr mér harðsperrurnar sem ég fékk.
Á föstudaginn kíktum við fólkið hér úr Sesamestrætinu í heimsókn til Gunna, Mæju og Gallapagus . Sá er flottur. Þrátt fyrir að undirritaður hafi þótt með afbrigðum fallegur þegar hann var lítill verð ég nú samt að viðurkenna að sá stutti er eitt fallegasta barn sem ég hef séð. Allveg ótrúlaega lítill og sætur og með soldið langar tær !!!! Við eyddum föstudagskvöldinu hjá þeim og fengum pönsur og kaffi, sem var mjög gott.

Á laugardag fórum við systkinin í shopping túr ! Ég afrekaði að kaupa eina peysu, einn DVD, morteli í eldhúsið ásamt einhverju fleiru drasli. Já það er um að gera að fara láta hendur standa fram úr ermum í innkaupunum enda styttist frekar í heimferð frekar heldur en hitt. Ætli ég kíki ekki í búðir á morgun og haldi mig svo frá miðbænum það sem eftir er.Þannig að það er nú eða aldrei að leggja fram óskir ef einhverjum vantar eitthvað frá USA!!!!(Ekkert þungt samt)
Í gær tókum við systkinin okkur svo til og bökuðum súkkulaði köku og kanelsnúða og átum svo á okkur gat. Refurinn sýndi snilldartakta enn einu sinni í eldhúsinu þegar hann galdraði fram hvern kanelsnúðinn á fætur öðrum þannig að veislugestir sem voru, Andri og Armin ásamt heimilsfólkinu hér stóðu hreint agndofa af hrifningu.

Það er allveg magnað sjónvarpsefnið hérna. Það er jú reyndar mikið af góðum þáttum eins og ER, Law and Order, Grey´s Anatomi og fleiri og fleiri. En ruslið inn á milli er rosalegt. Dæmi um sorp er t.d. þátturinn http://drphil.com/ Hann hefur reyndar verið sýndur heima eitthvað. Þetta er geðlæknir sem fær allskonar vitleysinga til sín. Fólk sem heldur fram hjá, lemur börnin sín, er hrætt við að skuldbinda sig og svo mætti lengi telja. Þessi fáviti kemur svo heldur einhverja ræðu í 3 mínútur eða eitthvað. Spyr fólk kanski tveggja spurninga og vandamálið er leyst. - Eitt orð FÁVITI. En viti menn, Kaninn elskar hann- ótrúlegt. Svo gefur þetta gerptrýni út allskyns bækur sem bera kanski titilinn,, Sigraðu heiminn í 10 auðveldum skrefum" og fólk kaupir þetta - ótrúlegt. Ég hlýt bara að vera svona vitlaus að skilja ekki hversu mikill snillingur þetta er. Það væri kanski réttast að horfa á nokkra þætti og tileinka sér lífsspeki þessa ,,geðþekka geðlæknis" - Eða bara sleppa því.

Annar svona þáttur sem ég þoli ekki er þátturinn Tyra http://tyrashow.warnerbros.com/. Sem er semsagt þáttur sem Tyra Banks stjórnar. Það er sama tíkin og stjórnar ,,American´s Nex top Model" Þetta á að vera svona bland mitt á milli Oprah og Dr. Phil. Vandamálið er bara að hún er hvorki gáfuð né menntuð, nema að vera kynni að ganga eftir beinni línu. Þátturinn er ætlaður fyrir yngra fólk. Hún er t.d. að kenna fólki að finna hinn eina rétta /réttu. Kenna fólki hvað það eigi að tala um á fyrsta date-i. Hvað það eigi að elda o.s.frv. Í fyrsta lagi þá á hún Tyra sjálf að baki fjöldan allan af samböndum sem öll hafa fokkast upp þannig að hún getur klárlega ekki verið góður ráðgjafi þar. Hún er borðar sennilega ekki neitt og lýtur þar af leiðandi út eins og krakkhóra þannig að ekki getur hún sagt fólki hvað það eigi að borða. En til þess að toppa vitleysuna þá er helsti ráðgjafi þáttana mamma hennar. Spikfeit negrakelling sem eiginmaðurinn (pabbi Tyru) stakk af frá um leið og hann fékk tækifæri til, enda er augljóslega ekki hægt að búa undir sama þaki og mamman og Tyra. Mamman er svona sama týpan og kellinginn í myndinni The Big Mama´s House. Þessi kelling sem er NB að drepast úr spiki er að kenna ungu fólki að elda dásamlegan mat sem NB Tyra hefur líklega aldrei bragðað því þá væri hún eins í laginu og mamma sín. Svo er þessi sama manneskja að segja fólki hvernig það eigi að haga sér í samböndum og hvernig eigi að ala upp börn !!! - Ekki manneskjan til þess að vera að fræða fólk um þessi efni. Ég hata þennan þátt !
Ég er að spá í að skipuleggja skemmti og fræðsluferð þar sem fylgst verður með einum þætti af Dr. Phil. Að því loknu verður haldið í veðurfréttastúdíó King5News og hús tekið á Jeff veðurfréttamanni. Að lokum farið og fylgst með lífskúnsnernum Tyru Banks . Í lok þáttarins verður Tyra er svo ætlunin að grýta Tyru og feitu mömmu hennar með eggjum. Allir eru velkomnir í þessa skemmtilegu en umfram allt fróðlegu ferð. Vinsamlegast skráið ykkur hér að neðan því takmarkað sætaframboð er í boði.

Jæja Refurinn er búinn að pústa nóg í bili !!!

Speki dagsins ,,Það er undarlegt hversu mikið maður hefur fengið að vita, áður en maður veit, hve lítið maður veit."

Verið hress-ekkert stress-alltílagibless.
Sjáumst fljótlega
Kveðja
Mikki refur

2006-02-22T20:42:00.000-08:00

Sælt veri fólkið, Mikki refur heilsar glaður í bragði.

Ég lofaði að skrifa hérna inn áður en ég færi til Whistler í Kanada en stóð auðvitað ekki við það. Þetta ætti að kenna ykkur lesendur góðir að refir eru lævísir og óútreiknanlegar skepnur sem ekki á að treysta !
Við ábúendur í Sesamestræti fengum óvænt til okkar gest í síðustu viku því hingað mætti gamall vinur og nágranni refsins. Enginn annar en Golli á áttunni eða Ingó í Ártúnsholtinu eins og áhorfendur Íslands í dag ættu að kannast við. Hann fór óvænt til Boston og ákvað að heiðra vin sinn með nærveru sinni og flaug því yfir til Seattle. Það varð refnum sönn ánægja að taka á móti Gollanum og lóðsa hann um alla þá földu gimsteina sem Seattle hefur upp á að bjóða. Ég fór því með hann í strætó og viti menn - heppnin var með okkur !!! Það kom hver furðufuglinn á fætur öðrum inn. Tveir gamlir homma-kúrekar, maður sem talaði hástöfum við sjálfan sig og kona sem var greinilega illa við nálegð við annað fólk og bað því sessunaut sinn í sífellu að vera ekki svona nálægt sér - heppilegt í strætó þar sem öll sæti eru upptekin !!!!
Að strætóferðinni lokinni fórum við í skólann og refurinn sýndi vini sínum það markverðasta þar. Fórum í ræktina í skólanum þar sem að Mikki refur sýndi gesti sýnum enga gestrisni heldur flengdi hann gjörsamlega í badminton 11-0 og 11-3 !!!
Að þessu loknu var svo farið niðrí bæ og rölt þar um.

Um kvöldið ákváðum við að skella okkur að borða í the Space needle. Það var allveg hrikalega gott. Eftir matinn ákvað refurinn að sýna Gollanum skemmtanalífið hér í borg og fórum við því rakleiðis á cowgirls hérna niðrí bæ. ( www.cowgirlsinc.com/home.html ) Ég held að Golli hafi bara skemmt sér vel innan um kúrekastelpurnar enda lítið um þær heima á Fróni. Ég gerði heiðarlega tilraun til þess að fá hann til þess að setjast á svona naut og reyna að halda sér á baki en hann var því miður ekki orðinn nægjanlega rænulaus til þess að samþykkja tilboð mitt - enda virtist hann líka vera þrælupptekinn við annað !!!!

Daginn eftir var haldið til Whistler í Kanada á skíði. Við fórum með Líney og Armin. Ferðin var hreint út sagt frábær. Frábært veður, og mikið að gerast í bænum enda var þetta ein stæðsta ferða helgin. Refurinn var á bretti ásamt Líney en Armin og Golli á skíðum. Á kvöldin fórum ég og Golli út og kíktum á næturlífið í bænum sem var bara með allra besta móti. Við hittum einhvern kolvitlausan kana sem fór að tala við okkur upp úr þurru. Hann fékk svo þá flugu í höfuðið að senda stelpur til okkar í gríð og erg. Ég og Golli sem sátum í mestu makindum okkar og vorum að spjalla saman vissum ekki hvað á okkur stóð veðrið þegar það komu fjöldinn allur af stelpum til okkar og spurðu allar að því sama ,, Are you really from Iceland". Á meðan stóð gaurinn fyrir aftan brosandi og allveg ferlega sáttur. Golli hélt að þetta væri einhver atvinnu stefnumótarfrumkvöðull en ég vildi meina að þetta hlyti að vera bæjarstjórinn í plássinu þrátt fyrir ungan aldur þar sem að hann þekkti svo mikið af fólki.

Eftir helgina verð ég að segja að ég er með öskrandi verk í rassinum og fótunum og hnén á mér eru öll blá og marin !!!! En þrátt fyrir það var allveg hrikalega skemmtilegt. Þarna verður maður að fara aftur.
Nú er ekki annað að gera en að fara snúa sér aftur að náminu enda lét ég það sitja á hakanum á meðan á skíðaferðinni stóð.

Ég nenni ekki að skrifa meira ég set inn bara myndir hér að neðan sem segja miklu meira en lýsingar af heimsókn Gollans til Refsins hér í Seattle. Ég skal svo reyna að vera duglegri við að setja hérna inn færslur.

Að lokum ,, Nýtiði og njótiði dagsins því hann kemur aldrei aftur. Ekki hugsa til gærdagsins með eftirsjá. Hugsiði til morgundagsins með tilhlökkun."

Þangað til næst hafið það gott.

Kveðja
Mikki refur

Þetta er uppáhalds myndin mín. Golli að fá sér fyrsta
bitan af súkkulaðiköku. Gestir og gangandi horfa agndofa
á aðfarirnar. Hann er eins og tígrisdýr sem er að fara rífa í
sig antilópu !!!!

Hér er ég ásamt hinum marg rómuðu mönnum
með SLOW og STOP skiltin. Takið eftir hversu
öruggur ég virðist í návist þeirra !!
Mikki refur að leiðbeina litlu systur inná Labbi og
og fræða hana um suðumark vatns.
Mikki refur fékk höfuðnudd í boði hússins
Gollinn þrælvanur við barinn á cowgirls

Ég vissi alltaf að þessi Skalla vinna hans Hugins væri bara
cover, en ekki datt mér í hug að milljónamaðurinn ætti hótel
á besta stað down town Seattle.

Golli fyrir framan höfuðstöðvar Hugins Arnarssonar
athafnarmanns !!!

Skelfileg mynd af okkur félögum, enda voru vandræði
í uppsiglingu !!!!!
Já hann Golli er snillingur í að koma sér og öðrum
í vandræði. Þarna vorum við í vanda staddir enda
segir svipurinn á Golla meira en flest orð (hún ku eiga
uppkomin tvö börn og eitt barna barn ;)

Ég á spjalli við stefnumótamiðlara okkar Golla.

Ég og okkar maður í Kanada

Ég, Líney og Armin að fara upp í fjall. En hvar ætli Golli sé ?

Gollinn glaður og Mikki refur dauðslakur og vanur !!

Líney og Armin í Gondola röðinni á leiðinni uppá fjall

Gollinn með flottan bakgrunn og flott sólgleraugu.
Armin og Líney. Takið eftir að Armin heldur um
Líney svo að hún renni ekki af stað niður brekkuna !!
Gollinn sáttur í brekkunni með nýju sólgleraugun sem hann fékk NB á útsölu !!!

Allir saddir og sælir eftir góða steik
Gollinn og Mikki refur glaðir og sælir ;)
Ingólfur fann búð sem hefur gróflega brotið á
rétti hans. En eins og margir lesendur vita þá
á Ingólfur einkarétt á orðinu,, kanski" enda var
það fyrsta orð sem Gollinn mælti af vörum 3 mánaðar
gamall! Þegar blaðamaður náði tali af Ingólfi þar sem
hann var staddur í Boston sagðist hann vera að íhuga
dómsmál vegna brota á einkarétti. En lét þess þó getið að það hafi verið bót í máli að í glugganum hafi staðið ,,SALE" enda væri hann mikið fyrir svoleiðis.

Takið eftir hvað Mikki refur er svellkaldur á brettinu !!

Gollinn var allveg búinn á því úr þreytu þannig
að refurinn settist niður með honum meðan hann
lét móðan mása.
Afhverju var ég ekki sendur á vetrarólympíuleikana
fyrir Íslands hönd ??? Maður spyr sig !!
Einhver lagði gildru fyrir refinn þannig að hann
datt !!! Þetta var NB í eina skiptið sem ég datt !!!

Við félagarnir upp í fjalli

Mikki refur á leið upp í fjall

2006-02-12T20:34:00.001-08:00

Góðan og blessaðan lesendur nær og fjær - Mikki refur heilsar glaður í bragði

Ef einhvern tíman hefur verið fréttatíð þá hefur það verið núna.
Fyrst ber að nefna að Gallapagus er kominn í heiminn. Hann fæddist á aðfaranótt föstudagsins og er hinn hraustasti. Refurinn vill óska foreldrunum þeim Mæju ( María) og tennisleikaranum Gunnari ( Amerígunni ), sem stóðu sig samkvæmt heimildum refsins eins og hetjur í hafróti á meðan á fæðingunni stóð innilega til hamingju með þann stutta. Það væri kannski ráð að hinn nýbakaði faðir tæki lagið sem Silvía Nótt tók í undankeppni Eurovision og þýddi yfir á ensku og tileinkaði litla drengnum sínum það - Nei þetta er nú bara svona hugmynd. Allavegana. Enn og aftur til hamingju Mæja og Gunni.

Ég er búinn að vera gríðarlega duglegur, bæði í lestri og í ræktinni. Ég fór hvorki meira né minna en alla dagana í ræktina í skólanum. Einn daginn vann ég Gunna í tennis og hinn daginn fór ég á hlaupabretti og lyfti.
Ég er búinn að heilsa upp á gamla kunningja mína á hamborgarastaðnum mínum.(Þar sem maður ræður algjörlega hvernig borgarinn á að vera þ.e. einfaldur,tvöfaldur eða þrefaldur o.s.frv.) Hrikalega eru þeir góðir USSSSSssss.

Kvöldunun hér í Sesamstræti 58 hefur verið eytt í vídeógláp meira og minna. Við horfðum á mynd á miðvikudagskvöld sem kallast Napoleon Dynamite - þvílík snilld, ég ætla pottþétt að kaupa hana hérna og koma með heim. Í gær horfðum við svo á Spanglish með Adam Sandler. Það var bara allveg ágætis ræma - fín svona stelpu mynd - Ég hef samt ekkert gaman af stelpumyndum. Þetta var meira svona greiði við sambýlinga mína að horfa á þessi ósköp - svona móralskur stuðningur af minni hálfu !!!
Þar sem ég oftast komið fyrstur heim úr skólanum hef ég tekið að mér eldamennskuna á heimilinu þessa vikuna. Þó að ég segi sjálfur frá hafa verið galdraðar fram hverjar kræsingarnar á fætur annari. Ég er þess fullviss að þessi Jamie Oliver myndi skammast sín þegar hann sæi herlegheitin. Ég hef reyndar lagt gríðarlega mikið upp úr hollustu. Enda leist mér ekkert á útganginn á sambýlingum mínum þegar ég mætti í hús. Því hafa verið á borðum lasagne með grænmeti en einnig töfraði ég fram Sesarsalat með kjúkklingi sem vakti mikla hrifningu meðal matargesta. Með þessu var svo drukkið Calsíumbættur appelsínusafi - Já þú ert það sem þú borðar !!
Eitt sem ég verð að nefna. Nú er hinn margrómaði Valentínusardagur á þriðjudaginn. Með allri þeirri ást og gleði sem þeim degi fylgir. Samkvæmt auglýsingunum sem ég hef verið að sjá í sjónvarpinu hér þá er enginn maður með mönnum nema hann gefi sinni heittelskuðu Demantshring eða eyrnarlokka sem hægt er að fá frá 299 $ (18.000 kr). Já og svo verður hver einasti kærasti eða eiginmaður að koma við í Victoria Secret og kaupa eitthvað þar því þeir eru komnir með allveg nýja og kynþokkafulla línu í undirfatnaði. Þetta ásamt kvöldverði hlýtur að slaga upp í c.a. 40.000 kall !!! - Já hvað gera menn ekki fyrir ástina ?

Ég hringdi heim í Urriðan í gær og fékk þær fréttir að kötturinn Tómas og hundurinn Guttormur væru á barmi taugaáfalls, slíkt var áfallið fyrir þá félaga þegar ég fór. Hundurinn ráfar um húsið eins og vitstola sé og kötturinn mjálmar og mjálmar og étur og étur. Hann er víst orðinn allveg ískyggilega feitur !!!

Eins og ég hef sagt frá áður er Mikki refur á leiðinni til Whistler um næstu helgi. Ég fór því ásamt the chemical monster og Armin hinum þýska á útsölu í skíðabúð einni hér í borg. Viti menn ! Þvílík útsala maður Usss. Arminn fékk skíði fyrir 170$ sem höfðu áður kostað 650$. Og ég fékk Rossignol bretti á 150$ sem áður hafði kostað 515 $. Svo fékk ég auðvitað bindingar og skó þannig að heildarsumman var 304 $ en var áður á 840 $ !! Eftir þessi innkaup gekk refurinn því glaður í bragði út úr versluninni. Nú er það bara að fara sér ekki að voða í Kanada um næstu helgi ;)

Jæja held að þetta sé það markverðasta sem á daga refsins hefur drifið hér í henni Ameríku. Ég læt heyra frá mér áður en ég held til Kanada á vit ævintýranna ásamt fríðu föruneiti. En að lokum smá speki, njótið vel.

Að velja efann sem lífsskoðun er náskylt því að velja hreyfingarleysi sem farartæki.

Þangað til næst. Verið hress, ekkert stress- alltílagibless !

Yðar einlægur
Mikki refur

2006-02-07T13:41:00.000-08:00

Hey folks - Mikki refur heilsar.

Í dag er runninn upp þriðjudagurinn 7.febrúar hvorki meira né minna. Refurinn fékk það verkefni að lesa heima í dag því von er á manni til þess að laga sjónvarp íbúa Sesamesrætis. Ég ákvað að setjast niður, kvíla mig á lestrinum og rita eins og einn frétta pistil héðan á meðan ég býð eftir The cable guy. Ég ákvað líka að breyta útlitinu á síðunni. Mér finnst allavegana betra að lesa þetta þegar þetta er ekki allt samankrumpað. Ef ykkur líkar það verr skal ég breyta því börnin góð.
Eins og ég sagði frá hérna síðast þá hef ég verið einkar duglegur við lestur síðan ég kom til fyrirheitna landsins Ameríku. Þessa stundina er ég að skemmta mér yfir vefjafræði og svokallaðri fósturfræði sem er allveg þrælskemmtileg lesning. Ekki laust við að refurinn hugsi með sér hvernig yrðlingarnir hans verði þegar að því kemur. Það er allveg magnað að velta fyrir sér hversu vel skipulögð líkamsstarfssemin er, en nóg um það.

Heyriði ! Á föstudag fór ég út í búð að skreppa eftir mjólk sem er kannski ekki frá sögu færandi nema hvað, viti menn ! haldiði að ég hafi ekki rekist á sama blámanninn haldandi á sama SLOW DOWN skiltinu á sama stað og þegar ég var hérna síðast !! Þvílík þolinmæði í einum manni. Ég sem var búinn að spá því að hann myndi snappa fljótlega en nei aldeilis ekki. Ég virti hann augnablik fyrir mér og ég segi það satt að mér fannst jafnvel örla á svolitlu stolti hjá honum haldandi á SLOW DOWN skiltinu sínu. Ég ætla mér samt að standa við fyrri spá mína um að hann muni snappa einhvern daginn. Nú er bara að krossleggja fingur og vona að það verði ekki þegar ég á leið hjá !
Á laugardag fór ég í verslunarleiðangur með the chemical monster(systur minni) hún var að leita að gleraugum á meðan ég fór að leita ZIRH body bar sem er svona sturtusápa. Þegar ég kom heim gerðu sambýlingar mínir grín af refnum og héldu því fram að hann væri orðinn eins og versta kerling. Ég neita því ekki að refurinn er sár og svekktur. Honum finnst fullhart að sér vegið í landi tannhvíttunarefna og botox sprauta. Honum finnst allt í lagi að refir eins og hann noti dagkrem og sápur sem eru rík af andoxunarefnum til þess að koma í veg fyrir ótímabæra öldrun húðarinnar - ég er þess handviss að einhvern daginn eiga sambýlingar mínir eftir að óska þess að hafa keypt sér ,,anti wrinkler" krem.

Á sunnudag var svo hin magnaði Superbowl leikur. Hann tók þrjá og hálfan tíma og endaði með ósigri Seattle Seahawks manna 10 - 21. Þetta var dómaraskandall ekkert annað. Tekið af okkur löglegt snertimark og Steelers fengu gefins mark þó svo að boltinn færi ekki inn fyrir línuna. Þessir kanar taka dómaramistökum sem sjálfsögðum hlut- þetta er semsagt bara hluti af leiknum. Ég hins vegar segi hins vegar að dómararnir séu hálvitar og fávitar og hafi tekið af okkur sigurinn ! Enda finnst refnum ekki mikið varið í íþróttardómara almennt.

Í gær fór mikki refur svo í íþróttir með hinum verðandi föður, Amerígunni. Við tókum klukkutíma tennisleik úti og ákváðum bara að vera á stuttbuxum en það er einmitt gaman að segja frá því að hitinn var einar 13 gráður og ef mér skjátlast ekki var í sama mund 2 stiga frost á Íslandi. Þetta er sennilega í fyrsta skipti sem ég hef verið á stuttbuxum í febrúar og hef ég í framhaldi af þessu ákveðið að reyna að vera eins mikið á stuttbuxum hér og ég get.
Um kvöldið skundaði svo refurinn ásamt sambýlingum sínum og Andrew niðrá Marketstreet og skellti sér í bíó á mindina Walk the line sem er um söngvarann Johnny Cash. Refnum fannst myndin allveg hin príðilegasta skemmtun og virkilega hjartnæm og hugljúf í lokin. Ég játa það að undirritaður þurfti að hafa sig allan við til þess að fella ekki tár í lok myndarinnar en það hefði sennilega komið illa út sérstaklega í ljósi snyrtivöruumræðunnar sem ég hef áður sagt frá.

Ég ætla að lauma inn smá dæmisögu sem ég var að lesa. Hún fjallar um fólk sem vill gera eitthvað í sínum málum en skortir í raun kjark eða vilja til þess.
,, Á leiðinni heim mætti ég ókunnum manni sem greinilega hafði villst. Ég vísaði honum til vegar og útskýrði vandlega fyrir honum hvernig hann gæti komist heim til sín. Hann þakkaði fyrir sig og gekk í gagnstæða átt. Ég kallaði á eftir honum og benti honum á að hann væri að fara í öfuga átt."
,,Ég veit það" svaraði hann, ,,ég er því miður ekki tilbúinn að fara í rétta átt"

Jæja læt þetta nægja í bili af lífi Mikka ref í Seattle og spakmælum.

Þangað til næst. Njótiði lífsins meðan það varir ;)

Kveðja
Mikki refur

2006-02-01T22:00:00.000-08:00

Hæ hó fólks.

Mikki refur er aftur kominn til fyrirheitna landsins Ameríku !
Þegar ég fór frá Keflavík áleiðis til London grétu himnarnir af sorg en tóku skínandi af gleði á móti mér þegar ég lenti í Seattle 14 klst síðar - eða þannig fannst mér það allavegana vera.
Mikið er gott að vera kominn aftur. Meira að segja stelpan á kaffihúsinu herna niðrá Market Street þekki aftur refinn frá því í haust og spurði mig tíðinda að heimann - rétti mér svo einn Grande(Helgi Bj) Cappochino decaff og sagði this one is on the house ! Welcome back. Ohh ég fékk næstum tár í augun þetta var svo sætt af henni að bæði muna eftir mér og hvernig kaffi ég vildi og ofaná allt saman gefa mér það. ÉG ELSKA BANDARÍSKU ÞJÓÐINA !
Ég var ekki fyrr búinn að drösla upp töskunum mínum en the chemical monster (systir mín) tjáði mér það að hún vildi fara á skíði til Whistler í Canada og það sem fyrst. Ég þakkaði guði fyrir að hafa tekið með mér brettagallann. Ég er semsagt að fara til Whistler meðan flest ykkar sem lesið þetta byðjið til Guðs á hverju kvöldi að það fari að snjóa svo að þið komist á snjótotu í Ártúnsbrekkunni !! Ha ha ha hí á ykkur !!!
Ykkur til fróðleiks set ég inn link þar sem þið getið borið saman önnur skíðasvæði við Whistler þ.e.a.s. stærð og fjölda brauta. En þess má geta að Whistler er eitt stæðsta skíðasvæði í heimi ! Þegar þið farið og setið músina á t.d. Aspen sjáið þið hversu stórt svæði Aspen er í samnburði við Whistler. Aspen skíðasvæðið er c.a. 15-20% af stærð svæðisins í Whistler !! Æi best að vera ekki að svekkja ykkur meira greyin mín - þig getið bara skoðað þetta sjálf !! Ætli það sé ekki réttast að refurinn tékki á aðstæðum áður en flugfreyjan og fylgdarlið setur stefnuna þangað ;)

http://www.whistlerblackcomb.com/mountain/maps/compare.htm

Jæja eins og ég segi þá er bara búið að vera fínt hérna. Ég er reyndar búinn að vera að lesa eins og mófó eða heila 9 tíma á dag síðan ég kom og fullyrði það að slíkt hef ég ALDREI gert áður !
Ferðin gekk bara vel. Þurfti reyndar að útskýra fyrir stórum blámanni í tollinum hér í Seattle að ég mætti koma með íslenskt lambakjöt til landsins. Eina sem hann gat stunið upp var ,,No meat" Ég reyndi að tala um fyrir honum og segja að ég væri með vottorð og því mætti ég fara með það í gegn. En allt kom fyrir ekki. Ég held að hann hafi einfaldlega verið búinn að brjóta of margar kókoshnetur á hausnum á sér þegar bandaríska tollgæslann veiddi hann úr skóginum, klæddi hann upp í búning og gerði hann að tollverði. Það var ekki fyrr en yfirmaður hans kom og sagði að þar sem þetta kæmi frá Íslandi þá væri þetta allt í lagi. Refurinn semsagt labbaði í gegn og eftir stóð blámaðurinn, klóraði sér í hausnum og skildi hvorki upp né niður.

Ég verð að segja ykkur að nú á sunnudag er einn stæðsti árlegi viðburður í Bandaríkjunum þ.e.a.s. Superbowl !!!! Og hverjir eru að keppa ? Jú í fyrsta skipti Seattle Seahawks !!! Það verða tryllt party úti um allt og þvílík gleði Usss hvað verður gaman. Ég bíð spenntur að sjá hvort að þetta toppi Halloween partyin !!!
Ég ætlaði að segja ykkur meira en nenni bara ekki að skrifa meira í bili.
Læt heyra í mér fljótt aftur.

Þangað til næst
,, Sá sem engin mistök gerir lærir aldrei"

Kveðja
Mikki refur

2006-01-27T12:07:00.000-08:00

Komiði heil og sæl.

Alltaf er það sama sagan með mann. Tíminn er svo fljótur að líða að manni finnst eins og að maður sé nýbúinn að setja inn pistil. Það er búið að vera mikið að gera hjá Mikka ref undanfarna daga. Allveg ótrúlegt hvað ýmsar smá útréttingar geta tekið langan tíma. Það er alltaf eitthvað sem bætist við. Ég sem er alltaf á faraldsfæti hef þurft að fresta för minni núna í þrígang.
Um síðustu helgi var mér boðið í mat hjá vini mínum lögfræðingnum ÓK. Þar var saman komin andspyrnuhreyfingin svokallaða. Sem hefur sér það helst til afreka unnið að gera allt vitlaust í hópi knattspyrnudómara á Íslandi. Ég viðurkenni það hér að ég hafði það á tilfinningunni áður en ég mætti í lögfræðingurinn væri ekkert gríðarlega sleipur í eldhúsinu og satt best að segja við ÖLLU búinn. Ég meira að segja krossaði fingurna og vonaði að sambýliskona hans sæi um matseldina. Þegar ég mætti til matarveislunnar ásamt stílistanum mínum í spariklæðnaði honum Jolla uppgötvaði ég mér til mikillar skelfingar að sambýliskonan var ekki heima. Þetta þýddi semsagt að lögfræðingurinn sæi um matseldina. Það rann kalt vatn milli skins og hörunds á refnum. Mér til mikillar undrunar og ánægju þá var maturinn hreint út sagt geðveikt góður. Usss við sátum þarna með stóra pönnu fyrir framan okkur og steiktum kjötið og grænmetið okkar sjálfir með þeim olíum sem maður vildi - Þvílík snilld. Þarna sátum við andspyrnuhreyfingin og spjölluðum meðan við elduðum saman. Mikka ref leið svona svolítið eins og hann væri í elhúsi sannleikans en það er þáttur sem Sigmar B Hauksson stýrði í sjónvarpinu fyrir nokkrum árum. Þar var fólk að spjalla og elda um leið - án efa einn af mínum uppáhldsþáttum !!!
Eftir matinn var fór andspyrnuhreyfingin niðrí bæ og var Mikki refur þar fremstur í fararbroddi enda vanur maður þar á ferð. Ég ætla svosem ekkert að fara út í nánari lýsingar á kvöldinu og læt því bara nægja að segja að það hafi verið mjög gaman ;)
Á morgun laugardag er næsta veisla en þá verður Golli nágranni bara 24 ára. Ég ætla mér að heiðra vin minn með nærveru minni og drykkjuólátum. Hann er ástæða þess að ég fresta för minni í 4 skipti !!!!
Ég held að það sé þannig hjá Ingólfi að hann heldur veislu um daginn fyrir ættingja og börn en aðra veislu um kvöldið fyrir vini og kunningja. Með þessu móti fær hann fleiri pakka ! Ég hins vegar hef hugsað mér að fella hann á eigin bragði og senda köttinn Tómas og hundinn Guttorm Flóka í veisluna um daginn. Kötturinn borðar reyndar ekkert svo mikið þó að feitur sé og matarreikningurinn fyrir hann sé um 6000 kr á mánuði. En guð hjálpi Golla því að hundurinn mun éta Golla og aðra veislugesti út á gaddinn. Þetta verður allavegana fyrsta veislan sem Golli nágranni mun tapa á !!!!!

Ég verð að koma einu að. Ég er geðveikt stoltur af bestu vinkonu minni henni Tinu Gests. Hún var að fá starf sem flugfreyja !!! Nú er að reyna að innræta glyðru og lauslætisgang í sig. Ég held að hún eigi eftir að verða góð freyja hún Tina mín !!!! Til hamingju. Ég skal kenna þér hvernig maður sýnir hvar neyðarútgangarnir eru - ég er mjög góður í því ;)

Jæja nenni ekki að skrifa meira enda föstudagskvöld.

Þangað til næst ,, Ekki halda áfram að gera hluti sem virka ekki lömbin mín"

kveðja
Mikki refur

2006-01-19T18:31:00.000-08:00

Jú komiði öll sömul margblessuð og sæl litlu lömbin hans rebba !

Vegna áskorunnar nágranna míns hans Golla Finnb og einnig vegna gríðarlegs fjölda commenta þá hefur refurinn ákveðið að skrifa pistil. Það er svo sem ekki frá svo mörgu að segja enda fátt sem drifið hefur á daga refsins að undanförnu en það horfir væntanlega til betri vegar næstu daga. Ég er fyrst núna að stíga upp úr þessari ógeðsflensu sem ég fékk um daginn - þvílíkur viðbjóður USSSS!!! Ég skal finna þann sem smitaði mig í fjöru - ég hef jafnvel uppi hugmyndir um það að gefa viðkomandi hænu frá Tyrklandi í jólagjöf !!! Það ætti að kenna viðkomandi að vera ekki að spúa svona óþvera yfir refinn. Það eina jákvæða við þetta var að ég náði að smita rauðhærða þrælinn okkar !!!!
Annars hefur refurinn Mikki sofið illa síðustu nætur og enn og aftur er orsökin á vandræðum og raunum refsins að leita til barnanna !!! Þannig er mál með vexti að kötturinn Tómas kemur að svefnherbergishurðinni hjá mér, krafsar í hana og mjálmar þangað til ég vakna og hleypi honum inn. Hann er frekar óþolinmóður blessaður drengurinn ( eins og ég var þegar ég var eins lítill og hann) og eftir c.a. hálftíma eða rétt þegar ég er búinn að festa blund aftur vill hann fara út. Svona gengur þetta u.þ.b. 2-3 á nóttu. Á einhverjum tímapunkti vill svo drengurinn hans pabba síns fara út og viðra sig. Þannig að ég þarf að fara niður með hann opna fyrir honum og hleypa honum út. Um klukkan 6 á morgnanna kemur kötturinn Tómas svo inn og er lokaður inni á litla klósetti ( af því að hann var alltaf að koma inn með mýs til þess að leika við ). Þar vælir hann og vælir þar til ég vakna við lætin í honum, fer niður opna fyrir syni mínum og gef honum að borða!
Svona ganga næturnar fyrir sig hjá refnum. Ég er ótkeyrður :( Það eina jákvæða sem ég sé við þetta er að þetta er sennilega ágætis undirbúningur fyrir að eignast barn - ég mun þá þekkja andvökunæturnar af eigin raun !
Hvað er annað að frétta ? Jú ég fór í dómarafótboltan áðan. Auðvitað var ég langbestur - það eru svosem engar fréttir. Eftir fótboltan fór ég upp í Fylki og skokkaði í 45 minútur - Alveg ótilneyddur.
Jæja best að láta þetta nægja í bili

Smá speki:
1.Annað orð yfir vandræði gæti verið verkefni eða tækifæri ! Væri ekki lífið auðveldara ef maður liti þannig á hlutina?
2.Lífið er uppfullt af tækifærum. Það er bara undir manni sjálfum komið hvort að maður nýtir þau eða kastar þeim frá sér.
3. Mundu að það hefur enginn leyfi til þess að koma illa fram við þig eða leika með þig. Þú verður að átta þig á að þú átt bara það besta skilið.
4.Það er aldrei of seint að byrja upp á nýtt eða leiðrétta mistök sín. Maður þarf bara að taka ákvörðun um að gera það.

Jæja næg viska og væmni í bili lömbin mín.

Þangað til næst : Fariði vel með ykkur !

Kveðja
Mikki refur

2006-01-11T17:58:00.000-08:00

Jú ég er ennþá lifandi - en dreg andan þó með herkjum !

Djöfull er langt síðan ég skrifaði inn hérna síðast. Það er meira að segja komið nýtt ár. GLEÐILEGT ÁR ÖLLSÖMUL. Árið hefur þó ekki byrjað gæfulega hjá Mikka ref. Eins og sum ykkar vitið kanski ætlaði ég að skella mér á bretti fyrir norðan um síðustu helgi. Refurinn var búinn að redda flugi og gistingu í höfuðstað norðurlands en þegar til átti að taka var ekkert ferðaveður þannig að refurinn komst hvorki lönd né strönd :( Ofan á þetta allt saman hefur nýja árið tekið á móti mér með heldur leiðinlegri gjöf þ.e. hálsbólgu, nefrennsli og höfuðverk - flensan er kominn til landsins !! Ofan á þetta allt saman þurfti ég að vinna á nýársnótt ! Ég mætti semsagt galvaskur í vinnuna klukkan 00:00 á nýársnótt. Ég fór reyndar upp á rauðu og hvítu súrálstankana og horfði á flugeldana fram eftir nóttu sem var reyndar allveg magnað. Árið hefur því ekki byrjað gæfulega hjá refnum, það er hins vegar trú mín að fall sé fararheill og því er ég á þeirri skoðun að þetta ár verði mér bara fjári gott.
Ég get ekki kvartað undan því að ég hafi ekki skemmt mér yfir jólahátíðina og held barasta að ég hafi aldrei farið eins oft út að skemmta mér.
Hvað get ég sagt ykkur í fréttum ? Jú eins og þið kanski vitið þá hef ég mjög gaman af að tala um börnin mín tvö. Ég er farinn að halda að leti kattarins Tómasar sé smitandi. Þannig er nefnilega mál með vexti að ég ákvað að skella mér í gönguferð upp í Heiðmörk eins og ég geri stundum. Ég klæddi mig og spurði svo hundinn Guttorm hvort að hann vildi ekki koma með, hann hélt það nú og rauk út í bíl. Kötturinn Tómas lá í sófanum og ákvað að halda bara áfram að sofa eins og hann er vanur. Jæja Mikki refur og Guttormur Flóki keyrðu upp í Heiðmörk. Þegar þangað var komið neitaði Guttormur að fara út úr bílnum og labba með mér !!!! Hann vildi semsagt bara fara í bíltúr. Hvers konar hundur ertu eiginlega ? spurði ég en hann lagðist þá bara niður og ýlfraði. Þannig að við félagar keyrðum aftur heim algjerlega hreyfingarlausir. Þegar heim var komið lagðist Guttormur hjá Tómasi bróður sínum og sofnaði værum blundi !!! Maður verður bara að sætta sig við að þeir bræður eru af sjónvarpskynslóðinni.

Í dag sat ég inni í stofu og var að lesa og heyrði að Guttormur var urrandi og gjeltandi eins og óður væri. Stuttu seinna heyrði ég að hann náði að opna útidyrahurðina og rauk út. Ég stökk upp og fór á eftir. Þegar ég kom út sá ég stóran svartan hund sem var búinn að króa köttinn Tómas upp við vegg og urraði ótt og títt. Kötturinn kvæsti á móti en var greinilega skíthræddur við svarta ferlíkið. Þegar Guttormur Flóki sá hvað var í gangi réðst hann strax á hinn hundinn. Ég hélt að Guttormur sonur minn væri algjör aumingi og væskill og var satt að segja búinn að gefa upp alla von að hann yrði að alvöru karlmanni. Ég játa það að ég fékk smá tár í augun þegar ég sá hann vernda litla lata bróðir sinn. En eftir smá stund tók ég í hnakkadrambið á honum og dró hann inn í hús þar sem Tómas beið skjálfandi af hræðslu.

Á laugardaginn fór ég í hið árlega keilumót knattspyrnudómara sem er kannski ekki frá sögu færandi nema fyrir þær sakir að ég vann til verðlauna og ekki nóg með það heldur voru þetta stæðstu verðlaunin þ.e. risa ostakarfa !!!! Jebb !!!! Ég fékk þau reyndar ekki fyrir besta skorið heldur bestu tilþrifin. Þannig var nefnilega mál með vexti að ég var að stilla mér upp fyrir skot þegar síminn hringdi. Ég svaraði í símann og þar var HB nokkur á línunni. Ég ákvað að kasta kúlunni meðan ég var að tala við hann en það vildi ekki betur til en svo að ég kastaði inn á brautina við hliðina !!!! Það fóru allir að hlægja að refnum og ég viðurkenni það allveg að ég varð pínu sár fyrst en ekki lengur keila er bara fyrir aumingja og er asnaleg íþrótt !!! Komið bara með fótbolta og tölum svo saman eins og alvöru karlmenn !!!!

Jæja ég held að það hafi ekkert fleira merkilegt drifið á daga refsins ( allavegana ekkert sem maður segir frá hér ;)

Þangað til næst,, Veriði hress. Ekkert stress. Alltílagi bless

Mikki refur

2005-12-28T18:52:00.000-08:00

Gleðileg jól öllsömul ;=)

Já þá eru jólin gengin í garð með tilheyrandi gleði. Refurinn eyddi reyndar aðfangadagskveldi ásamt jóladag og annars í jólum í steypuskálanum í Straumsvíkinni. Það var reyndar allveg ágætt að prófa að vinna ein jól. Á meðan voru börnin heima hjá Afa og Ömmu í pössun ( þ.e.a.s. kötturinn Tómas og hundurinn Guttormur).
Ég held að refurinn hafi bara komist ágætlega út úr jólunum pakkalega séð. Ég á reyndar eftir að taka saman heildar töluna en held samt að viðskiptahallinn minn hafi ekkert verið neitt skelfilega mikill. Mér fannst ég bara græða ágætlega þessi jól.
Það hryggir mig að segja ykkur frá því að leikfélagi Tómasar sonar míns er látinn. Eftir þriggja vikna veiðitilraunir ábúendana í Urriðanum þá náðist músin sem búið hefur í eldhúsinnréttingunni. Hún gekk í límgildru sem við settum upp. Afinn á bænum kom svo að henni á jóladagsmorgun þegar hann ætlaði að fá sér eitthvað í snarlinn. Hún var þá ennþá lifandi en var svo pikkföst í líminu að ekki var annað hægt að gera en að drepa hana. Mikið fannst föður refsins gaman að þurfa að drepa dýrið svona í morgunsárið á jóladag - eitthvað svona ójólalegt !!! Lýst hefur verið yfir sorgartímabili í Urriðakvísl fram yfir áramót. Kötturinn Tómas syrgir að sjálfsögðu vin sinn er þó furðu fljótur að jafna sig og er farinn á stúfana að leita að nýrri mús til þess að leika við !!
Hvað er annars að frétta ? Jú hestarnir koma í bæinn á föstudag. Við fáum lánaða gamla lúsþæga hryssu sem er víst algjört barnahross þannig að loksnins get ég boðið vinum og vinkonum á bak án þess að eiga það á hættu að hálsbrjóta þau !!! Eins og ég sagði um daginn er ég á leiðinni til Akureyrar á bretti eftir áramót - það verður voða gaman. Kanski hittir maður á félaga sína fyrir norðan og málar bæinn rauðan með þeim. Ef ég man rétt þá á ég boð inni hjá þessum blessuðu norðanmönnum !!!
Eins og þið kanski vitið þá eru refir flökkudýr. Ég er að skipuleggja nokkrar ferðir utanlands eftir áramót. Endanlegt plan liggur ekki fyrir-ég er að reyna að pússla þessu saman. En annars gæti þetta allt breyst eftir áramót, það kemur bara í ljós.
Mikið var refurinn samt sáttur við sjálfan sig í dag ! Haldiði að hann hafi ekki bara drifið sig í ræktina, nánar tiltekið í Laugar. Vanur eins og refurinn er skellti hann sér beint á hlaupabrettið og hljóp eins og fætur toguðu í 15 mínútur með ipoinn í botni og allt lék í lyndi. Þar sem ég er að hlaupa kemur upp að mér maður og heilsar mér með virktum. Ég leit á manninn og sá að þar var bróðir Mikka refs en hann hafði verið að hlaupa líka( sennilega samt ekki jafn hratt og ég en hvað um það) mér bregður svo að sjá hann að ég stoppa og hrundi nánast af brettinu - það var EKKI að lúkka nægjanlega vel !!!!! Eins gott að það var ekkert sérstaklega margt um manninn þarna !!! En ég náði að redda þessu og komst óskaddaður frá þessu.

Jæja ég ætla að láta þetta gott heita í bili.
Þangað til næst étiði vel yfir hátíðarnar lömbin mín.

kveðja
Mikki refur

2005-12-21T04:38:00.000-08:00

Prófin búin hjá Refnum ;)

Já mikið er ég glaður. Ég var að klára síðasta prófið mitt í dag sem var Þjóðhagfræði. Það ríkir semsagt mikil gleði hjá Mikka ref núna. Þetta var krossapróf - sem er alltaf mjög skemmtilegt. Mér finnst reyndar alltaf eins og ég sé að fylla út lottó eða getraunamiða þegar ég er í krossaprófi. Mér finnst að maður mætti fá að tví eða þrítryggja nokkrar spurningar ef maður er ekki allveg viss um svarið. Annars er bara fínt að frétta. Tómas hefur látið mýsnar í friði síðan ég skrifaði hér síðast. Ég held hins vegar að ég sé búinn að komast að því afhverju barnið hagar sér svona. Hann er náttúrulega frekar feitur... eða nei best að lifa ekki í sjálfsblekkingu. Kötturinn Tómas er að öllum líkindum offitusjúkklingur ! Og ég held að hinir kettirnir í kverfinu stríði honum vegna vaxtarlagsins. Hann verður leiður og þunglyndur og tekur svo reiðina út á litlu músunum sem búa hér í kring.
Nú er systir refsins komin heim í heiðardalinn frá henni stóru USA. Velkomin í Urriðan Líní mín.
Eins og margir sem refinn þekkja þá grípur hann oft æði. Nýjasta æðið er snjóbretti. Ég er búinn að vera að leita að rétta brettinu á netinu í langan langan tíma. Og nú þegar ég er nokkurnveginn búinn að finna rétta brettið þá er komið að því að velja fjall til þess að renna sér niður. Ég ætla að byrja á Hafnarfjalli við Akureyri. En einhverntíma eftir áramót setur Refurinn stefnuna á einhvern erlandan fjallgarð. En hvort hann verði í USA, Ítalíu, Austurríki eða Frakklandi veit ég enn ekki. Ég mun taka mér góðan tíma og skoða þetta. Kanski tek ég bara hundinn Guttorm með mér á skíði. Það eru víst alltaf svona 2 fyrir 1 tilboð í kringum páskana þannig að ég gæti þá tekið Guttorm með mér meðan kötturinn Tómas er inn á geðdeild að vinna í sínum málum . Ætli ég þurfi að leigja tvo skíðapakka fyrir hann af því að hann er með fjórar lappir??
Jæja nenni ekki að skrifa meira í bili.
Þangað til næst lömbin mín: Fariði vel með ykkur.

P.s Þrjú stig mannsins 1. Hann trúir á jólasveininn
2. Hann trúir ekki á jólasveininn
3. Hann er jólasveinninn.

Ef að annað lærið á mér væri jólin og hitt lærið áramót. Væriru þá til í að hitta mig milli jóla og nýjárs ??

kveðja
Mikki refur

2005-12-14T06:38:00.000-08:00

Refurinn skrifar með trega í hjarta.

Sælt veri fólkið. Refurinn heilsar. Það er alltaf verið að skamma mig fyrir að vera latur við að skrifa hér inn en mér finnst alltaf eins og ég sé nýbúinn að því. Eins og sjá má í commentunum í síðasta pistli mínum teygja vinsældir refsins sig víða um heim. Eftir ítarlega rannsókn refsins þá komst hann að því að útlendingurinn væri mælandi á þýska tungu og væri þar af leiðandi Þjóðverji. Ég vill bjóða hinn þýska hjartanlega velkominn í hóp lesenda. Eins vill ég bjóða hana Daymers vinkonu mína hjartanlega velkomna.
Refurinn fór í sitt fyrsta próf á laugardag en þar var um að ræða hina geysivinsælu og æsispennandi fræðigrein Reikningshald 1. Ég held bara að prófið hafi barasta gengið hjá mér. Þarna sat refurinn í Árnagarði og færði Debet og Kredit færslur eins og óður væri og hætti ekki fyrr en vistmaðurinn af elliheimilinu á móti sem var fenginn til þess að sitja yfir í prófinu náði að rífa prófblaðið af mér. Annars er finnst mér þetta gott framtak hjá háskólanum að fá fólk af elliheimilunum í kring til þess að sitja yfir í prófum. Þetta er svona einskonar unglingavinna gamla fólksins. Það getur svo notað peningana sem það safnar sér inn til þess að fara í bíó eða gera eitthvað skemmtilegt. Eins sparar þetta kostnað á gæslufólki á elliheimilunum á meðan á prófinu stendur. Ég var að velta því fyrir mér þar sem ég sat í prófinu hvort að próftímanum væri lokið þegar yfirsetukonan gæfi upp öndina. Það gæti verið spennandi ef svo væri. Kannski væri prófið 30 min og kannski 2 dsagar !!! Nei bara svona hugmynd.
Nú er ekki annað að gera en að læra fyrir næsta próf sem er stærðfræði - Jibby !!!!
Jæja en á persónulegri nótur. Ég hef hér rætt opinskátt um líf Mikka refs og verð að segja eins og er að það hefur hjálpað mér mikið að skrifa um þá hluti sem þjaka mig.
Ég kvíði jólunum !! Ég er einstæður faðir með tvö börn, köttinn Tómas og hundinn Guttorm. Ég fæ engin meðlög með börnunum mínum tveimur og sé ekki hvernig ég á að ná endum saman fyir jólin. Ég geri ráð fyrir að þurfa að leita til Fjölskylduhjálpar Ísland til þess að eiga kattarmat fyrir Tómas og hundamat fyrir Guttorm. Mér finnst einnig að ég sé að missa tökin á uppeldinu. Þeir hlíða aldrei og meira segja er kötturinn Tómas farinn að sýna af sér mjög svo ofbeldisfulla hegðun. Hvernig á refur eins og ég sem er í skóla og vinnu með skóla að ráða við þetta ástand ?
Ég hef reynt að innræta börnin mín tvö með guðhræðslu og virðingu fyrir einstaklingnum. En allt kemur fyrir ekki. Tómas er sínu verri. Hann mætir hér inn með hverja músina á fætur annarri og limlestir þær. Þannig að gripið hefur verið til þess ráðs að loka alltaf á eftir honum þegar hann fer út að leika við múss, múss eins og við köllum það. Eitt kvöldið þegar ég kom heim sat kötturinn Tómas fyrir utan hurðina og beið þess að komast inn. Fyrir framan hann lá mús sem hann var búinn að afhausa. Þetta þykir barninu mínu hin mesta skemmtun !!!! Og ekki tekur betra við þegar fer að vora því þá fer hann út að leika við bíbí !!! ÉG ER RÁÐALAUS !!! Er barnið komið í dóp eða slæman félagsskap ?? Er ég svona lélegt foreldri eða slæm fyrirmynd?? Maður spyr sig. Þetta er ástæða þess að Mikka ref kvíðir jólanna. ÉG er niðurbrotinn og ég get ekki meir - og það eru enginn úrræði í kerfinu fyrir börnin mín. Mér finnst ég standa einn og sé ekki lausnirnar.

Jæja læt þetta gott heita í bili
Þangað til næst. Hafiði það gott
Mikki refur.

2005-12-05T11:17:00.000-08:00

Jóla hvað !!!!!

Jæja gott fólk. Mikið er tíminn fljótur að líða, það eru bara að koma jól. Refurinn er algjörlega laus við að finna fyrir jólaskapi. Mér bara hreinlega hlakkar ekkert til jólanna !!! Mér finnst eins og ég sé hundeltur af fólki sem ætlar troða jólagleðinni upp á mig !! Það er ekki hægt að kveikja á útvarpinu án þess að þurfa að hlusta á hvert ömurlega jólalagið á fætur öðru. Ég vill bara fá að vera í mínu skmmdegisþunglyndi í friði og hana nú !!!! En jæja nóg um þetta. Það er ýmislegt búið að gerast í lífi refsins síðan ég skrifaði hér síðast. Um helgina gekk mín heittelskaða stóra systir inn kirkjugólfið og giftist manninum sínum. Mikið var hún systir mín falleg allveg eins og bróðir sinn. Það er guðsblessun að hún hafi fengið sömu fegurðargen eins og bróðir sinn ;) Þarna voru líka litlu frænkur mínar sem voru allveg ótrúlega sætar. Þetta var bara lítil athöfn sem aðalfólkið fékk að vera viðstatt- enda var ég þarna. Þetta er bara farið að verða ógeðslegt þetta er svo væmið. Eftir giftinguna var farið út að borða á VOX sem er á Nordica hótel. Hrikalega var gott að broða þarna. Þemað var villibráð sem passaði vel fyrir refinn eins og gefur að skilja. Daginn eftir fórum við svo á hádegishlaðborð á Voxinu, það endaði með ósköpum og ég fór næstum grátandi út því ég var svo saddur.
Um daginn var hringt í mig frá álverinu og ég spurður hvort að ég gæti unnið hjá þeim núna í des og eitthvað í jan. Sökum mikils viðskiptahalla við útlönd ákvað ég að keyra upp framleiðsluna í steypuskálanum í Straumsvík og auka gjaldeyrisforða Íslands. Þannig að ég ég mun fórna mér yfir hátíðarnar í þágu íslensku þjóðarinnar.
Annars verð ég að viðurkenna að ég er með USA þrá !! Ég sakna fyrirheitna landsins allveg óskaplega. Ég verð að segja eins og er að það er ekkert við að vera hérna á þessum helv.... klaka. Það er virkilega óspennandi að vera hérna. Ekkert nema kuldi og vosbúð, ömurlegheitin uppmáluð. Ég mun flýja land !!!
Annars er ófremdarástand hér í kvíslinni. Þannig er mál með vexti að við ábúendur hér í kvíslinni eigum eitt stykki hund, hann Guttorm Flóka og köttinn Tómas. Kötturinn Tómas virðist hins vegar vera vera á þeirri línu að fjölga þurfi í vistkerfinu hér í kvíslinni. Þannig er mál með vexti að hann er orðinn iðinn við að koma inn með mýs til þess að leika við. Þær hafa hins vegar ekki jafn gaman af því að leika við hann og hlaupa því undir eldhúsinnréttinguna okkur ábúendum til mikillar gleði !!!! Ég held að það sé við hæfi að heiðra köttinn Tómas með eftirnafni. Refnum finnst vel við hæfi að gefa kettinum ættarnafn forsetafrúr vorar og mun hann því heita Tómas Músajeff ef ekki koma fram aðrar tillögur eða almenn andmæli.

Jæja ég ætla að láta þetta nægja í bili.
Þangað til næst:
Gangið hægt um (jóla)gleðinnar dyr

Kveðja
Mikki refur

2005-11-25T02:57:00.000-08:00

Þunglyndis hugleiðingar Refsins !!!

Mér finnst ekki gaman á Íslandi lengur !!! Refurinn grætur sig í svefn á hverju kvöldi, hann saknar svo ljúfa lífsins í USA. Það er kalt hérna, léleg sjónvarpsdagsskrá og engir blámenn. Það kallar mig enginn bróðir lengur og það gerir mig dapran :( Ég sakna Jeff veðurfréttamanns á King5 news og Matlocks. Þessir íslensku veðurfréttamenn eru bara drasl hliðina á honum Jeff mínum. Ef ég fer eitthvað út spyr mig enginn hvaðan hreimurinn minn sé, það er bara eins og öllum hérna á Íslandi sé sama hver Mikki refur sé og hvaðan hann komi. Það var nú aldeilis annað uppi á teningnum þegar refurinn spókaði sig í henni Seattle usss.
Það er ekki eins mikið af furðufuglum á Íslandi sem maður getur skemmt sér við að horfa á eins og í USA. Ég held barasta að ég hafi ekki fundið einn einasta sem kemst með tærnar þar sem Mary Poppins og konan með löngu táneglurnar höfðu hælanna.( ég hef reyndar ekki tekið strætó hér) Ég er ennþá að jafna mig á vonbrigðunum yfir því að það kom ekki hópur fólks út á flugvöll að taka á móti mér. Þeir einu sem komu var meðlimur Karlsson famelíunnar og rauði maðurinn. En auðvitað komu þeir því ég bað þá um það !!! Ég sem var búinn að berjast við að skrifa ræðustúf sem ég ætlaði að halda yfir fjölmenninu sem tæki á móti mér í Leifsstöð. Ég viðurkenni það hér að refurinn þurfti að halda aftur af tárunum þegar hann sá hvers kyns var þegar hann kom út úr tollinum, ég krumpaði saman blaðið með ræðunni og stakk því í rassvasann. Þegar heim var komið tók reyndar húsbóndinn í Urriðanum hann Guttormur Flóki vel á móti gæludýrinu sínu og pissaði á mig af gleði. Og vitiði hvað ? Eftir öll vonbrigðin sem á undan höfðu gengið þá fannst mér það bara notarlegt !!!
Refurinn saknar óskaplega Stjörnudollarakaffis, Costco og Safeway reyndar líka. Hér eru heldur engir menn sem vinna við það að halda á STOPP merki eins og í USA - Já Ísland er ömurlegt.
Það er eitt sem Refurinn sér allveg óskaplega mikið eftir að hafa ekki gert þegar hann var í Seattle. Ég hefði átt að fara á Rolling Stones tónleikana þegar þeir voru- þvílíkur auli get ég verið!! Ég er hins vegar að plana að fara á tónleikana með þeim þegar þeir koma til Köben en svo hef ég einnig verið að skoða miða á tónleika Robbie Williams (ísl. Róberts Vilhjálmssonar) í köben en þeir verða 6. og 7. júlí. Ég ætla að kíkja betur á þetta. Já maður er ekki fyrr kominn heim en maður er farinn að hugsa sér til útferðar að nýju, enda ekkert hingað að sækja nema kulda og vosbúð.
Jæja lömbin mín, best að fara að snúa sér að lærdómnum.
Þangað til næst
Fariði vel með ykkur.

Kveðja
Mikki refur

2005-11-22T06:23:00.000-08:00

Rebbi er kominn heim !!!!!

Já mikið rétt Mikki refur er kominn heim í grenið sitt. Týndi sonurinn skilaði sér heim í nótt. Himnarnir grétu af gleði þegar Mikki refur steig út úr flugvélinni í Keflavík en þeir grétu af sorg þegar refurinn kvaddi Seattle og London. Semsagt rigning á öllum stöðum. Það kom Refnum samt á óvart að það skildi ekki vera opinber móttaka fyrir hann í Leifsstöð til þess að fagna komu hans en það læðist að mér sá grunur að Ólafur Ragnar hafi forfallast á síðustu stundu þannig að ég bíð þá bara eftir kvöldverðarboði á Bessastaði einhvern næstu daga !! Ég fór frá Seattle á fimmtudagskvöld með trega í hjarta en þó með von um að einn daginn muni ég gerast Bandarískur ríkisborgari og eignast hjólhýsi. Ég tékkaði mig inn og fór á matsölustað og fékk mér að borða. Á það voru öll borð full á matsölustaðnum og stúlka á aldur við refinn kom og spurði hvort hún mætti setjast til borðs með honum. Ég hélt það nú enda ekkert sjálfsagðara. Við Catharin(en hún hét það) spjölluðum svo saman þarna yfir matnum í einar 45 min. Svo var kallað út í vél og ég fékk mér sæti hjá hinum almúganum. Þá kom flugþjónn að mér og sagði,, Mr. Arnason ?? Og ég svaraði að sjálfsögðu Yes, that´s me. Hann bað mig þá um að taka handfarángurinn minn og fylgja sér. Ég bjóst við því að það ætti að fara skilja mig eftir eða fara taka mig í einhverjar Guantamo hryðjuverkayfirheyrslur og var því við öllu búinn. En nei takk þá var farið með mig á Buisnessclass farrýmið sem var á efri hæðinni í vélinni og mér vísað til sætis hliðina á stelpunni sem settist hjá mér á veitingarstaðnum inni í flugstöð. Þá kom í ljós að pabbi hennar er einhver boss hjá British Airways í Bandaríkjunum og hún hefði hringt í pabba og látið færa refinn yfir á Buisnessclass farrýmið. Nú veit ég semsagt hvernig það er að vera partur af þotuliðinu :)
Ég lenti klukkan 12 á hádegi á föstudegi í London. Um kvöldið hitti refurinn karllegg Karlsson famelíunnar og fór með þeim feðgum á Söngleikinn We will Rock You og fórum svo og fengum okkur að borða á geggjuðum indverskum resturant. Semsagt gott kvöld þar !!!
Á laugardag var refurinn einn síns liðs á götum Lundúnarborgar og skoðaði mannlífið. Ég tók eftir því að þarna kallaði mig enginn ,,bróðir" líkt og gert var í USA en hins vegar var ég óspart kallaður félagi af Bretunum. Um kvöldið fór ég síðan út að borða með Catharin. Við vorum síðan á röltinu eftir matinn þegar við ákváðum að fara inn á skemmtistað enda var skítkalt úti. Þar hittum við engan annan en sjálfan Eið Smára Guðjónssen ásamt félaga hans Frank Lampart. Ég var þarna inni á staðnum í einhverja tvo tíma og um klukkan 3 ákvað ég að fara heim enda orðinn dauðþreyttur þrátt fyrir að Eiður hafi verið búinn að bjóða okkur í eitthvert party. Þannig að ég kvaddi Catharin og bailaði á Eið. Nú er ég búinn að fá nasaþefin af því hvernig það er að vera innan um stóra og fræga fólkið - ég hef alltaf öfundað Rauða manninn eftir að við vorum á Akureyri í sumar og hann fór á spjallaði við Hildi Völu. Nú get ég sagt að ég hafi verið að skemmta mér með Eið Smára. Enda finnst refnum einhvern veginn eins og hann sé mun merkilegri fyrir vikið !!! Á sunnudag hitti ég svo fólk sem ég þekki sem býr í London og eyddi deginum með þeim. Þema mánudagsins voru svo verslun og viðskipti. Þegar ég kom svo heim í nótt tók hundurinn Guttormur og kötturinn Tómas á móti mér - þvílíkir fagnaðarfundir !!! Hundurinn pissaði á mig af gleði - mikið var það notalegt.
En jæja Mikki refur er semsagt kominn á klakan eftir útlegðina miklu. Svartur maður í hvítum líkama, reynslunni ríkari með skýr markmið - bandarískan ríkisborgararétt og hjólhýsi.

Þangað til næst.
Hafiði það gott.
kveðja
Mikki refur

2005-11-17T00:05:00.000-08:00

Well well. Hello people !

Jæja þá er refurinn kominn heim í strætið eftir að hafa farið niðrí bæ í búðarferð. Þetta verður víst síðasta nóttin sem refurinn sefur í hinni svefnvana borg. Það er ekki laust við það að refnum kvíði bara svolítið fyrir að þurfa snúa frá landinu þar sem smjörið drýpur af hverju strái og draumarnir rætast. Mínir draumar hafa reyndar ekki ræst ennþá en hver veit nema einn daginn vakni ég svartur á hörund eða sé orðinn stoltur hjólhýsaeigandi. Í dag labbaði ég milli búða og skoðaði mig um. Í nótt ætla ég að ákveða hvað ég kaupi og hvað ekki. Á morgun fer ég svo og kaupi það sem ég hef ákveðið að fá mér. Ég fór t.d. í Adidas búðina og í fyrsta skipti á æfinni langaði mig til þess að vera stelpa - það voru svo hrikalega flott æfingaföt þar á stelpur USSSssss ! Svo er það bara London yfir helgina, það verður nú varla slæmt. Það er ágætt að trappa sig aðeins niður þ.e. fara ekki beint frá USA(lands vonarinnar) til Íslands(land stöðugra vonbrigða). Nú er bara málið að herða sig upp í innkaupunum á morgun og muna að dollarinn er ekki nema 62kr - renna vísakortinu í gegn og vona svo að tölvukerfið hrynji og að maður þurfi ekki að borga brúsann !!
Jæja refurinn er að spá í að fara að ganga til náða. Mikki refur kveður Seattle með trega í hjarta en mun halda í vonina að dag einn vakni hann upp sem blámaður með bandarískan ríkisborgararétt og orðinn hjólhýsaeigandi - Ameríski draumurinn mun rætast !!

Kveð ykkur í bili kóteletturnar mínar.
Kveðja
Mikki refur

2005-11-15T19:52:00.000-08:00

Sælt veri fólkið.

Ég sit hér í sambýlinu í Sesamstreet ásamt sambýlingum mínum og býð eftir indverska matnum sem við pöntuðum. Já ágætu hálsar nú er telft á tæpasta vað. Ég hef enn ekki fengið matareitrun í ferðinni þannig að nú er kominn tími til þess að sjá úr hverju maginn á refnum er gerður !!! Ég gat ekki fundið neitt meira sjeikí en Indverskan mat þannig að nú er bara að bíða og sjá hvað gerist. Indverjar hafa verið þekktir fyrir að baða sig upp úr klóakfrárennsli og stundað annan ólifnað þannig að það verður ekki annað sagt en að refurinn sé að taka mikla áhættu með þessu.
Ég verð að segja ykkur eina strætósögu í viðbót. Í gær var ég á leið niðrí skóla og haldiði að ég konan með ógeðslegu risa táneglurnar mæti ekki í vagninn, og ekki nóg með það heldur fékk hún sér sæti hliðina á refnum !!!!!! Þvílíkt ógeð !!!! Jæja ekki nóg með heldur kom tveimur stoppustöðvum síðar upp í vagninn kona með regnhlíf NB það var sól úti sem tilkynnti okkur öllum sem í vagninum vorum að hún væri endurfædd Mary Poppins og gæti flogið með regnhlýfinni sinni !!! Guð minn góður hugsaði ég með mér. Einhver ætlaði að vera voða fyndinn og stakk upp á því að hún skellti sér niðrí bæ og stykki fram af einum skýjakljúfinum ! Hún svaraði því til að það væri lítið mál. Á meðan horfði ég forviða á konuna og meira að segja konan með löngu táneglurnar hrissti hausinn yfir Mary Poppins. Þegar Mary fór svo út úr vagninum stökk hún út og valhoppaði um götuna. Ég horfði á forviða og sessunautur minn(með löngu táneglurnar) snéri sér að mér og sagði við mig ,, She is crasy you know" ? Ég horfði á táneglurnar á henni og svaraði ,,Yes she definetly is" !!!
Jæja þá er maturinn kominn. Best að verða sér úti um smá camfilobacter eða ef heppnin er með mér salmonellu. Þangað til næst:

Fariði vel með ykkur lömbin mín.
kveðja
Mikki Refur

2005-11-14T23:37:00.000-08:00

Sælt veri fólkið

Jæja hérna koma myndirnar af Mikka ref loksins. Ég eyddi svo miklum tíma í að setja þær inn að ég nenni ekki að skrifa neitt núna enda er kominn háttatími hjá Mikka.
Þangað til næst :
Byð að heilsa ykkur í bili lömbin mín.

kveðja Mikki refur

2005-11-14T23:28:00.000-08:00

Mikki refur léttur á bárunni í fullu skrúða

2005-11-14T23:27:00.000-08:00

Önnur fyrir tófurnar en þó aðallega hommavinina

2005-11-14T23:26:00.001-08:00

Hér er ein fyrir tófurnar og alla hommavini mína

2005-11-14T23:25:00.000-08:00

Er Mikki refur ekki penn í sjóliðafötunum?

2005-11-14T23:20:00.000-08:00

Ship og hoy ship og hoy og svo nýja í næstu höfn.

2005-11-14T22:33:00.000-08:00

Þarna er Mikki refur í sjóliðabúningnum búinn að stilla sér upp fyrir myndatöku.

2005-11-13T19:05:00.000-08:00

Hæ hó dilli dó !!!!

Refurinn er sestur niður við skriftir á meðan hann kvílir sig á Reikningshaldinu enda er hann búinn að stemma af debet og kredit og allt virðist passa ! Ég ákvað að breyta aðeins útlitinu á blogginu mín vegna þess að mér fannst brúni liturinn fara refnum betur !
Síðan á þriðjudag er margt búið að vera að gerast hjá Mikka ref úti í hinni stóru Ameríku, sumt skemmtilegt og annað miður skemmtilegt. Eins og flestir vita virðist refurinn hafa orðið fyrir áhrifum íþróttaálfsins í Latabæ. Sá þáttur á samkvæmt íslenskum fjölmiðlum að tröllríða bandarískum sjónvarpsstöðvum og á víst að vera langvinsælasta barnaefnið hér í landi. Það er nú samt sama hvaða Kana maður spyr - enginn vill kannast við Latabæ og því síður íþróttaálfinn. En hvað um það Mikki refur kannast allavegana við Latabæ og ríflega það, enda var það undir áhrifum íþróttaálfsins sem Refurinn Mikki dreif sig í líkamsræktina á háskólasvæðinu. Ég er meira að segja þáttakandi í Latóhagkerfinu þar sem ég drekk nánast ekkert gos og bara koffeinlaust te og kaffi. Eftir á að hyggja er ég eilítið sorgmætur yfir því að hafa ekki brugðið mér í gervi Glanna glæps á hrekkjavökunnu :( - en hvað um það. Þar sem ég er orðinn svo mikill íþróttaálfur ehh íþróttarefur þá ákvað ég að skora á systur mína í skvass á fimmtudaginn. Ég spilaði síðast skvass út í Portúgal þegar ég var 16 ára en í minningunni fannst mér eins og ég hefði verið allveg ofbóðslega góður, þannig að ég ákvað að nú væri kominn tími til að gera lítið úr litlu(stóru) systur sinni. Það er skemmst frá því að segja að mér var PAKKAÐ saman !!!! Leikurinn er upp í 9 og ég held að ég hafi hæst komist upp í 6 stig. ! Og eftir 7 leiki sá ég fram á það að ég ætti ekki séns. Hins vegar vissi ég ekki að hún systir mín væri svona vægðarlaus manneskja. Ef ég ætti litla systur myndi ég leyfa henni að vinna a.m.k einu sinni. Ég var hins vegar sáttur við hversu vel ég hélt ró minni því eins og þeir sem þekkja mig hvað best vita þá er ég allveg óhemju tapsár - hef brotið gipsveggi, borðtennisspaða, tábrotið menn, og allt hvað eina. Ég viðurkenni svosem allveg að ég öskraði pínu en ég kastaði aldrei spaðanum í vegginn og barði systur mína aldrei - já viti menn refurinn er greinilega farinn að mannast í henni stóru Ameríku. Ég hef hins vegar verið að hugsa um það undanfarna daga hvers vegna í ósköpunum ég tapaði fyrir systur minni og hef fundið skýringuna - Ég á bara eftir að venjast því að vera svona sterkur og massaður að hreyfingarnar hjá mér eru hreinlega ekki allveg nægjanlega samhæfðar - Ég sé allavegana enga aðra skýringu !!!! Á föstudag fórum við úr sambýlinu í Sesam ásamt Árna sterka fiskifræðingi í keilu. Árni vann með 137 stig en ég kom fast á hæla honum með 124 stig. Hinir skoruðu minna!!!! Það gladdi mig að á næstu braut hliðina á okkur var strákur sem var með kærustunni sinni. Hann var í sínum eigin keiluskóm og með sína eigin kúlu og var að kasta með einhverjum voðalega flottum snúning. Á meðan grýttum við íslensku jólasveinarnir kúlunni eins og afdala bændur að vestan. Það sorglega var samt að þrátt fyrir keiluskónna og kúluna sína var gaurinn samt rétt að slefa í 115 - semsagt sorglegt. Á hinni brautinni voru 4 konur á miðjum aldri(35 -50) sem voru að halda upp á afmæli einnar þeirra. Afmælisbarnið var farið að spjalla fullmikið við refinn og var orðinn full kammó fyrir hans smekk. Það var ekki eins gaman !!!! (þó svo að sambýlingar mínir hafi skemmt sér konunglega yfir þessu)
I have seen some shit in the bus - eins og ég hef sagt ykkur áður frá. Á leiðinni niðrí skóla í síðustu viku þá sá ég algjöran vibba. Inn í strætóinn steig berfætt kona í sandölum sem var ekki búinn að klippa á sér táneglurnar í c.a. 3 - 5 ár !!!! Spáið í ógeði. Af öllum mönnum ehh refum þá sýni ég því skilning ef fólk er með smá klær en þetta var náttúrulega bara viðbjóður ! Neglurnar á stórutá hafa verið svona 5 cm langar og voru allar orðnar gulbrúnar og ógeðslegar.
Nú held ég að ég sé algjörlega tilbúinn að breytast í Kana. Ég þrái fátt meira þessa stundina en að fá mér hjólhýsi í bandarísku fánalitunum, leggja því í svona trailer park, unga út svona 5-7 krökkum og vera svo heimavinnandi húspabbi. Það væri nú lífið. Ef maður upplifir ekki Ameríku þannig er það ekki hægt. Furðulegt samt hvað óheppnin virðist elta þetta lið. Ég sá í fréttum um daginn að skýstrókur hafði farið yfir svona trailer park einhversstaðr inní landi og rústað hjólhýsaþorpinu ásamt því sem eitthvað af fólki dó. Svo var viðtal við einhvern hálf tannlausan kall sem hafði misst hjólhýsið sitt - sá var nú ekki gæfulegur. En ég er samt sem áður 100% viss um að ég eigi eftir að taka mig vel út sem stoltur hjólhýsaeigandi !!
Ég datt inn í að horfa á Dr.Phil á miðvikudagskvöld. Hann er eins og Oprah hérna úti - það er semsagt allveg sama hvaða vitleysu maðurinn segir, allir standa upp, klappa og tilbyðja hann. Eða liðið sem er að mæta í þáttinn. Fólk sem lemur börnin sín. Eiginmenn sem berja eiginkonuna. Fólk sem er búið að halda trekk í trekk fram hjá makanum osvfr. - semsagt ÖLL flóran. Maður hlýtur að setja ákveðið spurningamerki við liðið sem samþykkir að mæta í sjónvarpið fyrir framan alþjóð og lýsa því hvað fær það til þess að halda t.d. fram hjá. Þetta lið hérna er náttúrulega ekki í lagi og því síður geðlæknirinn sem heldur að hann geti afgreitt svona kengruglaða lið á 4 mínútum. Hann heldur sjálfsagt að hann sé Benny Hinn geðlækningana -Þvílíkur hálfviti. Pottþétt maður sem playar sig fullkominn en er með ólæknandi gægjuáráttu eða eitthvað þaðan af verra !
Jæja Law and Order er að fara að byrja. Læt heyra frá mér hið fyrsta. Þangað til þá:

Fariði vel með ykkurog verið dugleg að borða lömbin mín

Kveðja
Mikki refur

2005-11-08T20:05:00.000-08:00

Lífið er yndislegt ég geri það sem ég vil. Tralla lalla la

Finally, finally its has stopped raining. Jibbí !!! (Æi sorry ég er bara orðinn svo vanur að spíka english) Það var búið að rigna svo mikið hérna einhverja 5 daga í röð að Refurinn var allvarlega farinn að íhuga að fá sér kanó til þess að ferðast um borgina. En eftir 3 sólardaga í röð ætla ég aðeins að bíða með þá fjárfestingu ! Eins og ég hef áður sagt frá þá eru þessar strætóferðir( eða bustrips eins og við tölum um hérna megin við hafið) allveg stórkostlegar. Það er svo mikið af geðveiku fólki alltaf í strætó að ég er farinn að halda að þeir heilbrigðu sem taki vagninn geti einfaldlega orðið veikir á geði eftir að hafa eytt tíma í vagninum. Jæja hvað um það, ég tók strætó í skólann í dag. Stór feitur blámaður hringdi bjöllunni og ætlaði út á næstu stoppistöð. Vagninn stoppaði á rauðu ljósi rétt áður en hann kom að stoppistöðinni og stóri blámaðurinn stóð upp og bað um að fá að stökkva út á ljósunum. Vagnstjórinn neitaði því, og blámaðurinn varð allveg brjálaður. Hann spurði vagnstjórann hvort að hann vildi ekki hleypa sér út af því að hann væri svartur og kallaði hann rasista. Við þetta varð allt vitlaust einhver hvítur maður kallaði blámanninn niggara og hinir svörtu sem í vagninum voru svöruðu fullum hálsi. Ég bjóst jafnvel við að lenda í byssubardaga á leið 44. Ég verð að segja eins og er að ég vissi ekki með hverjum ég átti að standa þar sem ég lít jú út sem hvítur maður en aftur á móti hafa fleiri en einn og fleiri en tveir blámenn kallað mig bróðir !!! Ég sat því sem fastast aftast í vagninum og söng ,, Áfram, áfram, áfram bílstjórinn og gefðu allt í botn. Allar stelpur pissa í kop, allir strákar borða popp" Ég ætti kanski að reyna að ná í dr.Fraiser Craine geðlækni - hann á víst að vera með aðstöðu hér í bæ( fyrir þá sem ekki vita er þátturinn með dr.Fraiser sýndur á RÚV)
Ég er búinn að finna geggjaðan veitingarstað í háskólahverfinu. Það er hamborgarastaður þar sem að maður fær blað sem maður krossar bara í reiti hvernig borgara maður vill. Ég fékk mér síðast einn 3faldan með svissneskum osti, káli, tómat lauk og sveppum. Mikið var þetta gott. Já ef maður fær ekki almennilega borgara í Ameríkunni fær maður þá hvergi !!!!
Á föstudaginn næstkomandi er svo frídagur hér í Ameríkunni. Já þetta er dagur til heiðurs hermönnum sem eru komnir á eftirlaun. Afhverju er ekki annar frídagur til heiðurs lögreglumönnum á eftirlaunum eða seigðu strætóbílsstjórum ???? Maður spyr sig.
Það er semsagt löng helgi framundan hér. Það er víst hópferð á skíði í á föstudag og það ætlar slatti af fólki. Nú svo er ekki ólíklegt að það verði eitthvert skrall í tilefni hinnar löngu helgi. Það er spurnig hvað maður gerir.
Ég er orðinn svo mikill lyftari að þetta er rosalegt. Nú er ég búinn að þyngjast um heil 7 kg síðan ég kom hingað - og Nei það er ekki bara fita !!!!
Ég hef aðeins fylgst með fréttum að heiman á netinu og líka kíkt á Íslenska Bachelorinn. Þvílíkt drasl er þessi þáttur. Mér finnst alltaf eins og kynnirinn í þættinum hefði miklufrekar átt að fá vinnu við lestur dánarfregna og jarðarfara. Hér eru reyndar alltaf endalaus mörg auglýsingahlé þar sem er verið að reyna að selja manni allt frá hálsfestum til hárígræðslna fyrir sköllótta karla. En annars er úrvalið gott. Hérna get ég aftur rifjað upp gamla góða tíma með lögfræðingnum Mattlock. Svo er lærlingurinn hans Trumps og daginn eftir fer Martha Steward að leita að lærlingi. Eitt er þó gríðarlega gott hér en það er að Law and Order er sýnt hérna 3-4 sinnum í viku. Fimmtudagskvöld eru heilög hér í strætinu því þá er ER og D. Trump í sjónvarpinu þetta er þvílíkt kombo saman.
Jæja Best að fara að horfa á Law and Order.

Byð að heilsa í bili.
kveðja
Mikki refur

2005-11-05T16:52:00.000-08:00

Yes hello people !!!

Mikki refur heilsar frá vesturströnd USA. Nú skil ég afhverju Seattle er kölluð borg rigninganna. Það hefur ekki stytt upp í 5 daga !! og við erum ekkert að tala um litla rigningu neitt. Það er samt fyndið að fylgjast með veðurfréttunum hérna. Seattle búar eiga sinn Sigga storm, en hann heitir Jeff og veðurfréttamaður á King 5 News. Þetta er maður um sextugt með yfirvaraskegg og segja mér fróðir menn að hann sé einn aðal sjarmörinn hér í borg. Allavegana fyrir konur á aldrinum 50-1?? ára. Hann hefur víst eitthvað svo traustvekjandi útlit. Refurinn horfði á miðvikudagskvöld á hinn traustvekjandi Jeff spá thunderstormi á fimmtudag !!! Ég verð nú bara að viðurkenna að veiðihárin risu af ótta- enda búið að vera voða læti út af fellibyljum hér í landi. Ég var að spá í að sofa inn í fataskáp til öryggis en ákvað samt að tefla á tæpasta vað og sofa bara í svefnsófanum mínum. Fimmtudagurinn rann upp með smá andvara og rigningu. Þarna hélt ég að Jeff hefði klikkað á spánni, kveikti á sjónvarpinu og sá að í fréttum voru þeir að tala um rosalega ófærð á vegum upp í fjöllunum hérna fyrir ofan. Svo var tekið viðtal við rosalega vanan bílstjóra sem var að setja keðjur undir bílinn. Ég bjóst við blinbyl en - nei það var bara smá snjóföl á veginum, bara svona easy dæmi heima. Þetta er semsagt málið hér, Kaninn ýkir þetta svona rosalega upp. Ef að vindurinn fer yfir 5 vindstig er bara lýst yfir hættuástandi hérna - Þetta lið er náttúrulega bara ruglað.
Ástandið á mér er ekki glæsilegt. Ég fór í ræktina á miðvikudag og ætlaði að vera voða duglegur. Ég fór að lyfta með löppum og var kannski fullduglegur. Í dag kjaga ég eins og mörgæs eða eins og ég hafi verið tekinn ............ æi þið vitið hvað ég á við!!!!!! Ég var svo að koma úr Costgo með sambýlingum mínum hér í Sesamestræti , það er allveg mögnuð verslun. Þú getur fengið ALLT í Costgo allt frá mjólk í minnst 5lítra pakkningum til rúmdýna. Það var samt eitt sem mér fannst allveg magnað. Það var boðið upp á flensusprautu í Costgo - spáið í því ,,Heyrðu elskan ég ætla að skreppa út í búð og kaupa mjólk, brauð og já láta sprauta mig gegn flensunni" nei vitiði þetta bara passar ekki, ég myndi aldrei fara í 10-11 og láta bólusetja mig gegn flensu !!!! Eftir Costgo verslunarferðina var farið á Dunkin donut sem er klenuhringjabúlla hér í fitubollulandi. Ég er í sykursjokki eftir að hafa gætt mér á 3 mismunandi kleinuhringjum !!! Mér líður svo illa :( Refurinn heldur samt að hann sé að breytast í Kana !!! Ég er næstum hættur að hneykslast á vitleysunni sem ég sé hérna. Ég er farinn að taka feitu konunum og köllunum í köflóttu skyrtunum og derhúfurnar sem sjálfsögðum hlut - ég gæti jafnvel hugsað mér að klæðast köflóttri skyrtu, nærbuxum í USA fánalitunum og vera með derhúfu með mynd af gyltum erni. Þetta er orðið mér mikið áhyggjuefni - ég sem hneykslaðist svo mikið á þessu liði þegar ég kom fyrst hingað.
Bara eitt sem mér langar að segja ykkur að lokum. Hvað haldiði að ég sé hættur að gera ??? Nei þið eigið aldrei eftir að fatta það. Ég er HÆTTUR að drekka kaffi !!!! Drekk reyndar coffeinlaust kaffi og te !!!! Mikki refur er mjög stoltur af sjálfum sér ;)

Jæja læt þetta gott heita í bili
Veriði þæg lömbin mín.
Mikki Refur

2005-11-01T17:19:00.000-08:00

Jú komiði sæl lömbin mín, refurinn heilsar.

Þá er Halloween búin. Á föstudagskvöld var okkur Íslendingunum boðið í heljarinnar Halloween party. Þetta var allveg magnað party - sennilega eitt besta party sem Mikki refur hefur komið í um dagana. Föstudagurinn fór í að finna búning. Ég var búinn að afskrifa blámanns hugmyndina, þannig að ég fór að leita mér af refabúning. En viti menn - Það var hvergi að finna refabúning í henni Seattle, álit mitt á borginni hefur skiljanlega minnkað talsvert !! Ég var orðinn tölvert örvæntingafullur og reyndi meira að segja að troða mér í brúðarkjól en þar sem ég er orðinn svo herðabreiður(eftir allar lyftingarnar) þá varð ég að gefa hann upp á bátinn. En eftir að hafa farið um borgina þvera og endilanga með Gunnari, Kára og Ólöfu( fólk sem býr hérna) þá fundum við loksnins búninga við hæfi. Gunnar var flugstjóri, Ólöf flugfreyja, Kári var úlfurinn í rauðhettusögunni-dressaður upp sem úlfurinn í gervi rauðhettu. Og hvað haldiði? Refurinn Mikki fór í líki sjóliða og til þess að ná carakternum allveg setti ég á mig Jean Paul Gaultier spírann minn- já það gerist nú ekki sjóliðalegra held ég!! Já í staðin fyrir að refabúning fann ég sjóliðabúning. Það má náttúrulega skella sér í búninginn á góðum sumardegi heima og spássera niður Laugaveginn í uniforminu. Ekki væri verra ef að herskip væri í höfninni ;) Búningurinn er þó ekki allveg gallalaus. Matrósabuxurnar eru nefnilega með 13 tölum að framan sem þarf að hneppa ÖLLUM ef að maður ætlar sér á klósettið, þannig að ef ég þurfti að pissa þá þurfti ég að hafa svona 10mínútna fyrirvara áður en ég fór á klósettið - frekar óþægilegt !!!! En eins og ég segi þá var partyið magnað. Þetta var haldið í einbýlishúsi sem 8 mans búa í og öllu hafði verið rúttað út úr stofunni nema græjunum. Þær voru svo bara blastaðar!!! Það hafa verið svona 150 manns þarna inni - allra þjóða kvikindi - aðallega þó kanar. Húsið var á Capital Hill sem er annálað gayhverfi en ég lét það ekki á mig fá og skellti mér þrátt fyrir að mér stæði ekki alls kostar á sama. Þarna var fólk allavegana uppáklætt allt frá prestum til klámmyndastjarna með svipur !
Ég ætlaði að segja ykkur frá strætóferðunum hérna. Þær eru allveg magnaðar. Maður sér ALLTAF eitthvað furðulegt lið. Í gær sá ég t.d. konu sem var ekki búin að klippa á sér táneglurnar í svona 5 ár og var NB berfætt í sndölum !!!! Spáið í ógeð, svona sá maður aldrei þegar maður tók tíuna upp í Árbæjarskóla hérna í gamla daga. Um daginn vorum við systkinin á leið heim neðan úr bæ og hittum á líka þennan stolta strætisvagnabílstjóra. Ég haf alltaf haldið því fram að strætóbílstjórar dreymi um að komast hærra í metorðastiganum. Málið er að þegar þú vilt stoppa togaru í band sem kveikir á stoppmerkinu, ekki ólíkt því sem er heima. Nema hvað að þegar búið var að toga í spotann þá tilkynnti hann í hátalarakerfið ,,This bus will stop next in Ballard ! Please remain seated until the bus heve been completely stoped for your own safty. Thank you" !! Þennan texta galaði maðurinn í hvert einasta skipti sem einhver togaði í spottann. Það voru svona c.a. 20 stopp áður en kom að okkur systkinunum að fara út. Ef þessi maður hefur ekki ætlað sér í flugmanninn þá er ég illa svikinn. Kanski er þetta kennt í meiraprófinu ég efast samt um það. Annars er héðan allt gott að frétta. Það er reyndar búið að rigna ískyggilega mikið undanfarna daga en það vill til að Refurinn er með mikinn og góðann feld. Eins og þið vitið þá er Refurinn Mikki ekkert sérstaklega tæknivæddur en samt sem áður þá ætlar hann að reyna að koma inn myndum af Halloween gleðinni og sér í Matrósarfötunum.

Þangað til þá
Reynið að fitna áður en ég kem heim.

Kveðja
Refurinn Mikki

2005-10-27T21:01:00.000-07:00

Jæja gott fólk. Ég er ennþá á lífi !!!

Dagarnir hafa liðið einn af öðrum án þess að maður hafi tekið eftir hve fljótt tímanum líður. Á þeim tíma sem liðinn er síðan ég skrifaði hérna síðast hefur ýmislegt gerst. Ég hef þyngst um heil 5 kg síðan ég kom hér fyrir nákvæmlega tveimur vikum. Já ef maður getur ekki sett á sig nokkur kíló í Ameríkunni þá er það hvergi hægt !! Ég vill þó ekki samþykkja að þetta sé einungis fita sem ég hef náð í heldur aðallega vöðvar ! enda er ég eins og ég sagði hér síðast í gríðarlegu fitness átaki !
Jæja nóg um það. Eins og ég sagði áðan þá hefur ýmislegt á daga refsins drifið. Ég ætla að nefna það helsta. Þegar ég var á göngu hérna í neigberhúddinu þá fór ég inn á svokallað Stjörnudollarakaffi, sem flestir eiga að kannast við. Ég geng að afgreiðsluborðinu og panta mér einn stóran cappochino-KOFFEINLAUSAN NB!!!! Þegar ég hafði borgað og tók við kaffibollanum mínum þá þakkaði ég fyrir mig með orðunum Þeingj jú - eins og mér hafði verið kennt af mér reyndara fólki. Blámaðurinn sem bjó til kaffið mitt, brosti til mín og sagði ,, jú velkom bró" ! Seinna fattaði ég að hann var að kalla mig bróðir og ekki nóg með það heldur var mér sagt að þetta væri algeng kveðja meðal blámanna hér í bæ. Eftir þessa uppákomu er refurinn eins og gefur að skilja miður sín. Ég veit jú að ég er nýlega kominn frá Tyrklandi og er því hugsanlega dekkri á hörund en venjulega. Ég játa það einnig að hafa tekið einhverja ljósatíma í gegnum tíðina, en samt sem áður finnst mér sjálfum allavegana ég ekki uppfylla öll skilyrði þess að vera settur í flokk með blámönnum. Kanski er það að gerast sem Gullrassinn nefndi í commentunum hér um daginn að ég myndi festast í að vera svartur maður í kvítum líkama :=(
Nú um næstu helgi er svokölluð Halloween eða hrekkivaka. Þá dressar Kaninn sig upp í grímubúning og skemmtir sér. Krakkarnir í hverfinu ganga á milli húsa og safna nammi. Mér er vandi á höndum- mig vantar búning !!!! Fyrsta sem mér datt í hug var að kaupa mér brúna líkamsmálningu og mála mig með henni. Svo ef einhver myndi spyrja hvað ég væri þá myndi ég svara: ,, Æm a nigger". við nánari umhugsun held ég að það sé ekki góð hugmynd eða hvað??
Ég held því að ég fari á stúfana á morgun og leiti mér að .... hvað haldið þið??? Jú refabúning !! Okkur er nefnilega boðið í Halloween risaparty á morgun föstudagskvöld.

Ég held að ég láti þetta nægja í bili og segi ykkur frá strætisvagnaferðunum mínum seinna.

kveðja
Mikki refur

2005-10-23T18:51:00.000-07:00

Það hefur ALLT verið að gerast hérna !!!

Mikki refur hefur haft í nógu að snúast síðan hann skrifaði hér síðast. Eins og ég sagði hér síðast ætlaði ég á tónleika með systur minni og kærastanum hennar. Við byrjuðum á að skella okkur út að borða á Indverskan stað sem var allveg ótrúlega góður þó svo að hann liti vægast sagt ekki gæfulega út svona úr fjarlægð séð. Þaðan var haldið á meinta rokk tónleika sem ég mun seint skrifa uppá að hafi verið eitthvað skilt við rokk! Hins vegar voru böndin góð þangað til kom að einhverju helv..... semi Amerískri countrytónlist - þvilíkt og annað eins!!! Við sátum þarna þrjú á borði í ágætis stemningu þangað til að þessi blessuð hljómsveit mætti. Það var eins og við manninn mælt við byrjuðum öll að geyspa þessi ósköp og fórum þrátt fyrir að eitt band væri eftir. Sniðugir bareigendur hefðu látið þetta band enda því þá þyrfti ekki að henda út þegar ætti að loka !!
Nú Refurinn hefur elt systur sína í skólan síðustu daga. Skrítið hvernig þessi Akademiski þankagangur kemur yfir mann um leið og maður kemur inná svæði skólans - refnum finnst hann einhvernveginn verða gáfaðri um leið og hann kemur inn á svæðið, gáfurnar verða jafnvel yfirþyrmandi, ég vona samt að þetta lagist með tímanum. Ein leiðin til þess að hreinsa huga refsins er að fara í ræktina hér í skólanum. Refurinn hefur nefnilega komist að samkomulagi við landa sinn sem studerar hér við skólann um að nota aðgang hans að heilsurækt skólans. Í staðinn mun Mikki taka niður nótur og leita að álitlegum kvennkosti fyrir nemann !!! Refurinn hefur einnig fundið sér selskap í ræktinni en það er einnig landi refsins og reyndar frændi. Takmark frændanna er einfalt: Að verða svo sterkir að þegar þeir labba saman eftir götum háskólasvæðisins þá sveiflist hendurnar á þeim eins og þyrluspaðar. Til þess að ná viðunandi árangri þá hrisstum við próteinsjeika í tíma og ótíma og tölum einungis um sett,endurtekningar og þyngdir - allt til þess að missa ekki sjónar af takmarkinu. Ef þetta dugar ekki til þá eru það bara sterarnir. Þessi Magnús Bess verður eins og mýfluga hliðina á refnum. Eftir æfingar í lyftingasal gymsins þar sem við öskrum á og sláum hvorn annan til kvatningar förum við á 2.hæð og teygjum þar með hinum stelpunum.
Á föstudagskvöld fór ég til vinafólks systur minnar í mat. Þar tók á móti okkur Dr. Gunnar(ekki þessi í poppunkti sem betur fer), Evgenya og strákarnir þeirra. Þar lærði rebbi að gera rússneskt ravioli- allveg ótrúlega gott( það er eins gott að koma sér vel við Dr. Gunna ef það verður eitthvað af þessum sterahugleiðingum mínum ;). Þarna var einnig boðið upp á Vodka ásamt harðfiski og kæstum hákarli - þvílík veisla.
Í gær laugardag var svo haldið upp á afmæli eins af Íslendingsins sem er við nám í UW hans Kára. Af því tilefni var farið í paintball, sem var ótrúlega gaman. Ég fann mig rosalega vel í þessum leik enda var þetta haldið í skógi þannig að það má segja að refurinn hafi verið á heimavelli !! Mitt lið vann - að sjálfsögðu. Ég sá að Gullrassinn hafði áhyggjur af því að ég yrði svartur maður í hvítum líkama. Ég er ekki frá því að ég hafi sýnt örlitla Harlemtakta í eitt skipti í paintballinu. Mótherji minn og landi var í c.a. 7 metra fjarlægð og ég skaut hann og ekki nóg með það heldur hreinsaði ég úr kúlumagasininu yfir aumingja manninn !!!!!! Reyndar festist gikkurinn inni á byssunni hjá mér þannig að aumingja maðurinn fékk kúlnahríðina yfir sig.
Eftir þetta var farið í Íslendingaparty og þaðan átti að fara á cowgirls (www.cowgirlsinc.com/home.html). Það varð nú reyndar ekkert úr því. En eitt er víst góðir hálsar að úr þessu landi fer ég ekki fyrr en ég hef eitt eins og einu kveldi á þessum stað svo mikið er víst !!!!
Ég veit ekki hvort að ég var búinn að minnast á hversu heimskulegir hlutir geta verið hérna. Það er nefnilega þannig hérna að þegar þú ferð út í búð eða veitingastað þá stendur verðið við vöruna sem þú ætlar að fá þér. Þegar þú kemur svo á kassann og ætlar að borga þá leggst ofaná verðið skattur sem er einhver 9% eða eitthvað spáið í þessu !!!! Mér er allveg nákvæmlega sama hvað varan kostar fyrir skatt. Ég vil bara fá að vita hvað hún kostar þegar ég er að skoða hana. Nú virðist þessi blessuð þjóð svosem ekki vera deyja úr of háu gáfnafari þannig að maður hefði haldið að það væri öllum fyrir bestu að hafa hlutina eins einfalda og mögulegt er!!!!!
Jæja þetta er orðið gott í bili.
Byð að heilsa ykkur
Rfurinn Mikki

2005-10-17T21:11:00.000-07:00

Sælt veri fólkið.
Ímislegt hefur drifið á daga refsins síðan hann skrifaði hér síðast. Mikki var á gangi einu sinni sem oftar hér í hverfinu þar sem grenið hans er. Viti menn kom ekki ein framandi vera, dökk á hörund aðvífandi og talaði hún tungum. Refurinn reyndi að bera sig mannalega( refalega) og barðist við að fela ótta sinn - enda veraldarvanur og vitandi það að í skóginum er mikið veikleikamerki að sýna ótta. Veran þessi baðaði út öllum öngum og var frekar ógnandi í framkomu að mati refsins, reif upp nafnspjald og sagði á máli frumbyggjanna ,, Æ hóp tó sí jú þer". Ég kinkaði vanur kolli og veran gekk sína leið. Það var tilfinning refsins að þarna hefði vart tæpara mátt standa að ekki færi illa fyrir honum. Ég hraðaði mér heim og fletti upp í orðabók því sem að veran hefði sagt við mig og komst að því að hann vonaðist eftir að sjá mig þarna. En þarna hvar? Jú þá mundi ég eftir nafnspjaldinu og á því stóð ,, New Testament Church - A Full Gospel". Það átti semsagt að draga refinn í kirkju !!!!!!!!!!!! Ég sá fyrir mér að þarna sæti ég, eini hvíti maðurinn í kirkjunni syngjandi einhverja Halelúja sálma, klappandi eftir hverja setningu hjá prestinum. Ég ætla að velta þessu fyrir mér fram á næsta sunnudag hvort að ég láti sjá mig.
Í dag var ég að lesa. JÁ Þið lásuð rétt - ENGIN innsláttarvilla á ferðinni þarna !!!!!!! Þegar ég var svo orðinn svangur ákvað ég að skella mér á McDonalds sem þykir allveg sjálfsagt hér í landi(svo ekki sé nú meira sagt). Refurinn stóð þarna í röð og reyndi að láta lítið fyrir sér fara eins og allvöru ref sæmir. Þegar kom svo að því að panta þá kom að mér eldri maður og spurði hvaðan ég væri. Refurinn svaraði spurningunni samviskusamlega og sagðist vera frá ÆSLAND. Það hefði refurinn betur ekki gert því að sá gamli hresstist allur við og fór að spjalla- og það ekkert lítið. Ég sem kom þarna inn til þess að runka í mig einum borgara og hlaupa svo aftur út lenti í því að hlusta á manninn segjandi sögur af sér, konunni og börnunum sínum í 45 minútur!!!!! Maðurinn var að segja mér frá einhverju brúðkaupi í Póllandi sem hann fór í til dæmis. Þetta kenndi mér að framvegis ætla ég að segjast vera frá Rússlandi, sé að heimsækja frænda minn Boris sem rekur einhverskonar fyrirtæki hér sem enginn má vita hvað gerir. Það ætti að fæla fólk frá !!!!
Á morgun ætlar svo refurinn Mikki á tónleika. Það verður ábyggilega geðveikt gaman, ég veit reyndar ekki hvaða band þetta er en þetta er víst einhverskonar rokk-band. Það á eflaust eftir að verða mjög gaman og ég læt ykkur vita.

Ég ætla að láta þetta nægja í bili.
Byð að heilsa ykkur yrðlingarnir mínir

Kveðja
Mikki refur

2005-10-15T12:05:00.000-07:00

Hæ hæ og hó hó.
Nú er refurinn Mikki kominn til fyrirheitna landsins USA. Ég er loksins farinn að fatta hvernig þetta blessaða blogg virkar þannig að nú er ekkert annað að gera en að hefjast handa við skriftir;=)
Refurinn er búinn að venjast tímamismuninum sem eru heilir 7 tímar á eftir.
Refurinn er að reyna að falla inn í hið bandaríska samfélag. Fyrst ég er kominn í samfélag blámanna og annara spámanna, verð ég að reyna að komast inn í menningarheim þeirra.
Refurinn er þessa dagana að reyna að komast inn í leikreglurnar í hafnarbolta eða Baseball eins og það heitir á tungu blámannanna. Nú er ég búinn að reyna að komast inn í þessa heimskulegu íþrótt og er búinn að komast að því að til þess að til þess að finnast hún skemmtileg þarf ég sennilega að fara í skurðaðgerð og láta fjarlægja 2/3 heilans. Þá fyrst get ég eflaust horft á hana sem jafningi með blessuðum könunum.
Nú er Refurinn búinn að vera rölta um neiberhúddið og verið að virða fyrir sér hina ýmsu hluti sem koma honum fyrir sjónir. Hann er að spá í að deila með ykkur hinum þeim heimskulegu hlutum sem koma honum fyrir sjónir í hinum daglegu göngutúrum sem hann tekur.
Refurinn ætlar að byrja á að segja ykkur frá því að þar sem hann var að labba um götur Seattle í gær sá hann hvar vegafrmkvæmdir voru í gangi á u.þ.b. 70 metra kafla. Sitthvoru meginn við við vegavinnukaflann stóðu tveir blámenn og héldu á skilti sem á stóð SLOW DOWN sem refurinn komst síðar að að myndi útdeilast á hinu forna norræna máli HÆGÐU Á ÞÉR. Þegar refurinn gekk svo framhjá staðnum tveimur og hálfum tíma síðar stóðu þessar framandi verur ennþá á sama stað með skiltið sitt !!!! Spáið í djobbi !!!!! Þetta er náttúrulega mjög heimskulegt. Hvað ætli þessir menn hugsi á morgnanna þegar þeir fara í vinnuna? Ætli þeir komi heim eftir vinnu og segi við konuna sína( ef þeir eiga þá konu þessir villimenn) að dagurinn hafi verið mjög krefjandi og þeir komi heim með reynslubankann sinn fullan? Það hlýtur að koma að því að þessir menn tryllist eftir kanski 10 ára starf við að halda á SLOW DOWN skilti og ráðist á einhvern saklausan gangandi vegfarenda og berji hann með SLOW DOWN skiltinu sínu. Ég hef því í framhaldi af þessum hugsunum mínum ákveðið að setja krók á leið mína framvegis til þess að þurfa ekki að mæta þessum mönnum- bara svona til öryggis.

Ég held að ég láti þetta nægja í bili og kveð í bili frá borginni þar sem Tom Hanks varð svefnlaus.

Með kveðju

Mikki Refur